तनहुँको डुम्रे बजार क्षेत्रबाट २५ थान अक्सिजन सिलिन्डर संकलन गरिएको छ । ईलाका प्रहरी कार्यालय भानु मुकाम डुम्रे तनहुँ र पत्रकार महासंघ तनहुँको समन्वयमा डुम्रे बजार क्षेत्रबाट ८ वटा भरी सिलिण्डर र १७ वटा खाली अक्सिजन सिलिन्डर संकलन गरेको हो । प्रहरी र पत्रकारको टोलीले डुम्रे बजार क्षेत्रका विभिन्न मेटल कम्पनी, इञ्जिनियरिङ वर्कसप, मोटर ग्यारेज, ग्यास बेल्डिङ तथा अन्य कम्पनीसँग रहेका सिलिण्डर कोरोना संक्रमित विरामीको उपचारार्थ विभिन्न अस्पतालमा पठाउने गरी संकलन गरिएको । ईलाका प्रहरी कार्यालय भानु मुकाम डुम्रेका प्रहरी प्रमुख प्रहरी निरीक्षक प्रकाश भुसालले जानकारी दिनुभयो । कोभिड–१९ संक्रमितका लागि अक्सिजनको अभाव भइरहेको समयमा विभिन्न कम्पनी तथा ग्यारेजमा रहेका अक्सिजन सिलिण्डर संकलन गरेको उहाँले बताउनु भयो । संकलन गरिएको भरी सिलिण्डरलाई जिल्ला प्रशासन कार्यालयको सिफारिसका आधारमा अस्पतालमा लगिने छ भने खाली सिलिण्डरलाई नेपाल पत्रकार महासंघको पहलमा मनकारी शुभेच्छुकहरुको आर्थिक सहयोगमा भर्ने ब्यवस्था मिलाईने महासंघका जिल्ला अध्यक्ष उज्जल पौडेलले बताउनु भयो ।
