तनहुँ भानुको वडा न १ मा समुदायमा कोरोना पुष्टि भएपछि १ हप्ताका लागि नगरपालिकाको सम्पुर्ण सेवाहरु तथा १३ वटा वडा कार्यालय बाट प्रदान गरिने सेवाहरु पुर्ण रूपमा सबै बन्द गर्ने तथा वडा न १ लाई सिल गर्ने निर्णय गरिएको छ।
नेपालमा हाल लकडाउन हटेको भए पनि कोबिड 19 को संक्रमण बढ्दै गएको र समुदाय नै उच्च जोखिममा रहेकोे अवस्थामा भानु १ का ३४ वर्षिय एक पुरुषमा कोरोना देखिएपछि तत्काल वडाको आकस्मिक बैठक बसि १ हप्ताका लागि पुर्ण रूपमा सबै वडा सिल गर्ने निर्णय गरिएको र नगरपालिका बाट प्रदान गरिने र सम्पुर्ण १३ वटा वडाहरु बाट प्रदान हुने सम्पुर्ण सेवाहरु बन्द गर्ने निर्णय गरि नगरपालिकाले सुचना निकालेको छ।भानुको सबै वडाका नागरिकलाई घर बाहिर ननिस्कन र अनावश्यक रूपमा हिडडुल नगर्न समेत अनुरोध गरिएको वडा अध्यक्ष प्रेम बहादुर लामाले बताउनुभयो ।
गण्डकी प्रदेश सरकारको सामाजिक बिकास मन्त्रालय स्वास्थ्य निर्देशनालय गण्डकी प्रदेश पोखराका निर्देशक डा बिनोद बिन्दु शर्मा द्वारा हस्ताक्षरित प्रेस बिज्ञप्तिका अनुसार सोमबार तनहुँका २ पुरुषमा कोरोना पुष्टि भएको हो । केहि दिन अघि सामान्य लक्षण देखिएपछि थ्रोड स्वाबको नमुना लिई परिक्षण गर्न लगिएकोमा भानु १ र बन्दिपुर ५ का ३४ वर्षिय दुई समुदायका पुरुषमा कोरोना पुष्टि भएको हो। कोरोना देखिए संगै स्थानीयहरु त्रसित भएका छन् । मंगलवार वडा न १ का सन्क्रमितको कन्ट्रयाक ट्रेसिङ्गको आधारमा सम्पर्कमा आएकाहरु करिब ८९ जनाको र नगरपालिकाका ३८ जना जनप्रतिनिधि र कर्मचारीहरु गरि १२७ जनाको स्वाब संकलन गरि परिक्षण गर्न लागिएको स्वास्थ शाखा प्रमुख ऐसोर्य चन्द्र भट्टराईले बताउनुभयो ।
नगरपालिकाले श्रावण २७ गते मंगलबार देखि लागु हुनेगरी भाद्र २ गते मंगलवार सम्मको लागि सम्पुर्ण ब्यापार ब्यावसाय, उद्योगधन्दा कल कारखाना ,बैंक तथा बित्तीय सस्था सम्पुर्ण बन्द गर्ने निर्णय गरिएको छ। यस समयमा हाइवे र स्वास्थ्य सेवा खुल्ला रहनेछ । भानु र बन्दिपुरको सिमाना रहेको डुम्रे पुलमा प्रहरी परिचालन गरि आवतजावतमा कडाइ गरिएको छ। भानु नगरपालिका बाहिर जाने कुनैपनि सवारी साधनहरु बाहेक अन्य लाई प्रवेश गर्न र सामान लोड अनलोड गर्नको लागि निषेध गरिएको छ ।कोरोना सन्क्रमितलाई जि पि कोइराला स्वासप्रस्वास उपचार केन्द्र तनहुँ , बेलचौतारामा लगिएको थियोे। अहिले उनलाई श्वास फेर्न गार्हो भएको कारण भेन्टिलेटरमा राख्नको लागि पोखरा लगिएको छ।
