गोरखा संसार
जेठ २९,गोरखा
गोरखाको पालुङ्टार नगरपालिका वडा नं. ८ धुवाँकोटमा सुत्केरी महिलाहरुका लागि पोषण सामग्री बितरण गरिएको छ ।
वडा कार्यालयको आर्थिब वर्ष २०७६÷०७७ को बिनियोजित रकमबाट धुवाँकोट स्वास्थ्य चौकीमार्फत यस आ.व. भित्र सुत्केरी भएका महिलाहरुका लागि सुत्केरी सामग्री बितरण गरिएको धुवाँकोट स्वास्थ्य चौकी का इन्चार्ज लक्ष्मण श्रेष्ठले बताउनुभयो ।
वडा कार्यालयबाट बिनियोजित रकमबाट वडाभित्रका सबै सुत्केरी महिलाहरु ७० जनालाई सामग्री बितरण गरिएको हो । वडा नं. ८ का वडाध्यक्ष शंकरराज कंडेलको उपस्थितिमा सामग्री बितरण गरिएको थियो ।
हरेक ब्यक्तिका लागि अण्डा, आंटा, तेल, चिनी, चना, सरसफाइ सामग्री सहित आवश्यक सल्लाह तथा परामर्श समेत प्रदान गरिएको बताइएको छ ।
