मंसीर ४, गाेरखा ।
गोरखाको पालुङ्टार नगरपालिका मा मङ्सिर ५ गतेदेखि राष्ट्रपति रनिङशील्ड प्रतियोगिता २०८२ सञ्चालन हुँदैछ। पालुङटार नगरपालिकाको आयोजनामा सञ्चालन हुने राष्ट्रपति रनिङशील्ड प्रतियोगितामा भलिबल तथा एथलेटिक्स लगायतका विभिन्न विधाहरूमा खेलकुद प्रतियोगिता हुने तालिका सार्वजनिक गरिएको छ । सोही प्रतियोगिता को तयारीका क्रममा पालुङटार नगरपालिका वडा नम्बर ७ स्थित जीवनज्योति माध्यमिक विद्यालय का भू.पू. विद्यार्थीहरूले विद्यालयलाई खेलकुद पोशाक सौजन्य गरेका छन् । सोही विद्यालयबाट विक्रम सम्वत २०७२ सालमा एस.एल.सी . पास गरेका भूपू विद्यार्थीहरूको समूहले विद्यालयबाट रनिङसिल्डमा सहभागी हुन जाने खेलाडीहरूका लागि १५ थान जर्सी सहयोग गरिएको सोही ब्याजका सुरज बि .क .ले जानकारी दिनुभयो । उहाँका अनुसार सोही व्याजका करिब १५ जना साथीहरूको समूहबाट उक्त जर्सीको व्यवस्था गरिएको हो। यसरी आफूले अध्ययन गरेको विद्यालयमा सहयोग गर्न पाउँदा आफूहरू खुसी भएको पनि विकले जानकारी दिनुभयो । त्यस्तैगरी छोटो समयमा आफ्नो अनुरोधलाई स्वीकार गर्दै सहयोग गर्ने सम्पूर्ण साथीहरूलाई समेत वि.क.ले धन्यवाद व्यक्त गर्नुभएको छ। उहाँका अनुसार सो ब्याजका सहयोग गर्ने साथीहरू चिज कुमार परियार , सुमन श्रेष्ठ , सुरज बि .क , सुजन बि .क , सगुन सुनार, राजु श्रेष्ठ, सुमन श्रेष्ठ (कुसुम), सुष्मा श्रेष्ठ, सरस्वती गुरुङ, प्रतीक्षा कोइराला, रितिका के.सी, सोचिता कुमाल, विक्रम कुमाल, सुनिता कुमाल, विष्णु थापा मगर, शर्मिला बि.क रहेका छन् । विद्यालयका प्रधानाध्यापक कुमार प्रसाद ढकालले सहयोगी दाताहरुलाई विशेष धन्यवाद समेत ज्ञापन गर्नुभएको छ । प्रधानाध्यापक ढकालले आजै एक भेला गरी प्रतियोगितामा भाग लिन जाने विद्यार्थीहरूका लागि हौसला प्रदान गर्ने उद्देश्यका साथ खेलमा प्रथम हुने खेलाडीलाई नगद रु १ हजार, दोस्रो हुने खेलाडीलाई नगद रु ५०० र तेस्रो हुने खेलाडीलाई नगद रु ३००प्रदान गर्ने समेत घोषणा गर्नुभएको छ। जसबाट खेलाडी विद्यार्थीहरू विशेषरूपमा हौसिएका छन्।
