Gorkha Sansar

साेमबारदेखि शहिद लखनमा राष्ट्रपति रनिङ शिल्ड प्रतियोगिता सुरु

गाेरखाकाे शहिद लखन गाउँपालिकामा सोमवारबाट राष्ट्रपति रनिङ शिल्ड प्रतियोगिता सुरु भएको छ ।

११ विद्यालयहरू सहभागी भएकाे उक्त रनिङ शील्ड प्रतियाेगितामा कूल २८ बिधाका खेलहरू सञ्चालन हुने बताइएकाे छ । जसअन्तर्गत भलिबल, लङ जम्प, सर्ट पुट, दौड, रिले दाैड लगायतका खेलहरू समावेश गरिएकाे बताइएकाे छ ।

पिपलछापस्थित खेलमैदानमा खेल सञ्चालन भइरहेकाे छ । प्रतियोगिताको सोमवार एक कार्यक्रमकाबीच गण्डकी प्रदेशका सभामुख कृष्ण धितालले उद्घाटन गर्नुभएकाे थियाे । गाउँपालिका उपाध्यक्ष इन्दिरा तिवारीको अध्यक्षतामा भएको उद्घाटन कार्यक्रममा वडा नम्वर १ का अध्यक्ष प्रेम गुरुङ, ६ का वडाध्यक्ष दिलिपनारायण थापा, जिल्ला खेलकुद बिकास समिति अध्यक्ष प्रेम तामाङ, सामाजिक बिकास समिति संयोजक कृष्ण प्रजा, प्रमुख प्रशासकीय अधिकृत बाबुराम मगर लगायतले मन्तव्य राखेका थिए ।

पालिकाले रनिङ शिल्ड कार्यक्रमकाे उदघाटनका दिन  श्रीलंकामा सम्पन्न नवौ दक्षिण एसियाली कराँते च्याम्पियनसिप प्रतियोगितामा स्वर्ण पदक बिजेता शहिद लखन–७ निवासी अर्पण थापा मगर र कास्य पदक बिजेता शहिद लखन–६ निवासी स्मृति गुरुङलाई नगद पुरस्कारसहित सम्मान गरिएको शहिद लखन गाउँपालिकाका शिक्षा शाखा प्रमुख राजेन्द्र खनालले बताउनुभयाे । ‘अर्पणलाई ७० हजार (करसहित) र स्मृतिलाई ४० हजार (करसहित) नगदसहित कदरपत्रले सम्मान गरेका हौ,’उहाँले बताउनुभयाे ।

त्यस्तै प्रदेश स्तरीय राष्ट्रपति रनिङ्ग शिल्ड प्रतियोगितामा गोरखाबाट सहभागी भई स्वर्ण पदक जित्न सफल शहिद लखन–८ की श्रृष्टी श्रेष्ठ र शहिद लखन–५ का अमृत राना मगरलाई समेत  दोसल्ला ओडाएर कदर पत्रले सम्मान गरिएको थियाे ।

थप समाचार

No widgets found. Go to Widget page and add the widget in Offcanvas Sidebar Widget Area.