हाँस्दा हुने फाईदा ……………!
१, हाँस्नु वा मुस्कुराउनु मानिसको पहिचान हो, किनकी मानिस बाहेक अरु प्राणीहरुलाई हाँस्ने सौभाग्य प्राप्त छैन ।
२, हाम्रो मुस्कान धेरैकालागी प्रेरणा र खुशीको कारण बन्न सक्छ, त्यसैले सदैब मुस्कुराउने गरौं ।
३,मुस्कुराउँदा पैसा तिर्न पर्दैन, कहिल्यै पनि नरित्तिने मायाको सागर भएको हाम्रो फराकिलो छातीभित्र खुशी, सुखी,सरलता र सम्पन्नताको समुन्द्र छ । सबैलाई नि:शुल्क बाँड्न पाईने मुस्कान हाम्रो महानता र सम्पन्नताको प्रतीक पनि हो ।
४, संसारका हरेक मानिसले फक्रेको फूल र हँसिलो अनुहार नै मनपराउँछन् त्यसैले सदैब हाँस्ने गरौं ।
५, रिसको आशिर्वाद भन्दा खुशी गाली प्रिय लाग्छ त्यसैले सँधै हाँस्ने गरौं ।
६, हाम्रो हाँसोले कयौंको अनुहारमा एकैचोटी खुशीको बहार ल्याईदिन सक्छ,त्यसैकारण हामीपनि हाँसौं, मुस्कुराउँ र अरुको अनुहारमा मुस्कान भरेर नायँ जीवन दिने प्रयास गरौं ।
७,जबसम्म हामी एकअर्कालाई देखेर मुस्कुराउन सक्छौं, त्यतिन्जेल सम्ममात्र हाम्रो सम्बन्ध सुमधुर रहन्छ । त्यसैले यो प्यारो सम्बन्धलाई जिवित राख्न बेस्सरी हाँस्ने गरौं ।
८, हाँसो नै सँधै खुशी हुन पाईने सबैभन्दा सजिलो,सस्तो, स्थाई र भरपर्दो श्रोत हो, त्यसैले सँधै मन खोलेर हाँसौं ।
९, मिठास मिसिएको बोलीमा डरलाग्दो राक्षसी रिसलाई पनि क्षणभरमै साम्य पार्ने शक्ति हुन्छ, त्यसैले सँधै खुलेर हाँसौं । १०, हरेक बोलीमा थोरै मिठास मिसाईदिने हो भने त्यो बोली चियामा चिनी हाले जस्तै मीठो हुन्छ, त्यसैले सदैब मुस्कुराउने गरौं ।
११, अस्तब्यस्त दिनचर्या, खराब जीवनशैलीको करणले आजभोलीका मानिसहरु खुलेर हाँस्न सक्दैनन् ।
हाँसो यति उत्कृष्ठ औषधी हो जसले हाम्रो शरिरका ७०% रोगहरु स्वत: निको बनाईदिन सक्छ। जस्तै ( हामी हाँस्दा शरिरलाई बढी भन्दा बढी अक्सीजन प्राप्त हुन्छ, जसले शरिरको रोग प्रतिरोधात्मक क्षमता बढाउँछ , शरिरमा सकारात्मक उर्जा बढ्न जानाले पिडामा राहत हुन्छ, हाँस्दा शरिरमा रक्तसंचार बढ्छ, जसले हृदयघातको जोखिम कमहुन्छ । हाँसोले तनाव पीडा जस्ता अवसादलाई कम गराउने हुँदा औषधीले गर्न नसकेको काम हाँसोले गरिदिन्छ, त्यसैले सदैब हाँस्ने गरौं ।
. खुमलाल कंडेल, नवलपरासी (ब.सू.पूर्व)
