मादी नदी पुलबाट बोलेरो जीप खस्दा तीन जनाको मृत्यु

गए राति मादी नदी पुलबाट बोलेरो जीप खस्दा तीन जनाको मृत्यु
पृथ्वी राजमार्ग अन्तर्गत तनहुँको दमौलीस्थुत मादी नदीको पुलबाट शनिबार राति करिव ११:३० बजेको समयमा बोलेरो जीप खस्दा तीन जनाको ज्यान गएको छ । उक्त दुर्घटनामा परि दुई जना घाइते भएका छन्।
दमौलीबाट चापाघाटतर्फ जाँदै गरेको जीप पुलको रेलिङ भत्काएर नदीमा खसेको थियो । जीपमा सवार पाँचमध्ये कुशल मगर, प्रविन मगर र कुमार मगरको घटनास्थलमै मृत्यु भएको र घाइते भएका चालक रोहित गुट्टा र धिरज रौनिहारलाई उपचारका लागि अस्पताल पठाइएको छ।