जेठ २ तनहुँ ।
जिल्लाको बन्दिपुर गाउँपालिका वडा नं १ मा नेकपा एमालेका शिवकुमार श्रेष्ठ विजयी भएका छन्। उनले ९०९ मत ल्याएर विजयी भएका हुन्। नेकपा एमालेबाट वडाध्यक्ष पदका उम्मेदवार सहित ३ जना वडा सदस्य बिजयी भएका छन्। अन्य २ जना नेकपा माओवादी केन्द्रबाट सदस्य रहेका छन् ।
उनका निकटतम प्रतिद्वन्दी नेपाली नेकपा माओवादीका उम्मेदवार भानुभक्त पोख्रेलले ६८१ मत प्राप्त गरेका छन् । यस्तै नेपाली कांग्रेसबाट इमनाथ खनालले ६७६ मत प्राप्त गेरेका छन् । नेकपा माओवादी केन्द्रबाट उम्मेदवार पोख्रेल ५ बर्षे कार्यकाल संचालन गरी पुनः उम्मेदवार बनेका हुन्।
यस्तै सदस्यहरूमा भने खुल्ला सदस्यहरुमा डिलबहादुर राना ” विजय “ले ७२३ मत, रोशनी बराकोटी रावतले ७९४ मत नेकपा माओवादी केन्द्रबाट उम्मेदवार प्रेम शाहीले ७४६ र कौशिला बिकले ७५४ मत ल्याई बिजयी भएका छन्।
वडा नं १ मा कुल मतदाता रहेकोमा ३२८९ मा २४४८ मत खसेको थियो । वडा नं १ बाट गाउँपालिकाको अध्यक्षको उम्मेदवारहरु नेकपा एमालेले ६९५ मत, नेपाली कांग्रेस उम्मेदवारले ६२४ मत, नेकपा माओबादीको उम्मेदवारले ९४० मत र राप्रपाले १८ मत प्राप्त गरेको छन् ।
