हाम्रा बर्बादी र बलिदानका २३ बर्ष

राजन गाेतामे
२३ वर्ष पुगेछ आज, मेरो जिन्दगीको बाटो मोडिएको अनि तिम्रो रगतले इतिहास कोरिएको l सर्बप्रथम त हार्दिक श्रद्धासुमन श्याम सुन्दर श्रेष्ठ जी l न तिमीलाई थाहा भो तिम्रो बलिदानीको बारेमा न मलाई थाहा भो मेरो बर्बादीको बारेमा l किन ? एक प्रश्न सोध्ने अवसर न तिमीले पायौ होला न मैले पाएँ l तसर्थ म जीवित हुन पाएको नाताले त्यो कालो दिनलाई नचाहँदा नचाहँदै पनि सम्झने कोशिष गरेको छु l
अहिले सम्झंदा पनि काँडा उम्रन्छ त्यो दिन गोर्खा क्याम्पसको चौर l म त्यति बेला फरक संगठनको कार्यकर्ता, तिमी फरक संगठनको , तिम्रै कुनै कार्यकर्तासंग नेबिसंघको स्वागत कार्यक्रममा तिम्रै प्रतिक्षामा थिएँ म पनि | एउटा गित गुन्जिरहेको थियो ……….
राती राती मसाल बोकी हिड्ने कम्युनिस्टलाई
भन्दिनु है भन्दिनु…… गणतन्त्र आउंदैन …..हाम्रो देश नेपालैमा….. |

अकस्मात् आवाज आयो, तिमीलाई गोली हानियो |
बस् | मलाई पनि यत्ती नै थाहा छ त्यो दिनको घटना चाहिं | तिमीलाई के भयो ? किन गोली हानियो ? कसरी मृत्युबरण गर्यौ ? तर म भने त्यो घटना घटेको आधा घण्टा पछि नै त्यति बेलाको तिम्रै सत्ताको खुनी नंग्राले चिमोटेर तिम्रै साथीहरुको जाहेरीमा रक्तमुच्छेल ५ वर्ष कालकोठरीमा बिताई आज ज्यूँदो लाश सरह बाँचिरहेको छु |
श्यामसुन्दर जी, कति निर्मम छ है इतिहास ? न जवाफ दिन्छ न प्रश्न सोध्छ समयले l घाउहरुमा आफैं खाटो बस्छ , कहिले खाटो उप्कंछ घाउको, अनि रगताम्य हुन्छ l तिमी त छैनौ नि नश्वर शरीर, तै पनि तिम्रो परिवार किन यो १५ गते आइदिओस् भन्नु हुन्छ होला तिम्रो यादमा ? म पनि त्यस्तै भन्छु मेरो शरीरतिर हेर्छु, तिम्रै हत्या अभियोगमा ५ बर्षको यातनामय काल कोठरीको पीडादायी दिन सम्झन्छु, कुंजिएको शरीर, खेर गएको यौवन, टुटेको पढाईको कडी, समाजले हेर्ने फरक आँखा र तिरस्कार, यातना र चिसो छिंडीले रातभर दुख्ने शरीर, त्यहि माथि दोहोरिईरहने डरलाग्दा पुराना दिनका सपनाहरु l पीडा ! उफ कसलाई भन्नु ? के गरूँ ? कतिले त यसैलाई ब्याज बनाएर खाई गोरखामै आलिसान जीवन बाँचिरहेका पनि छन् l तर मैले त सकिन l कोशिश त गरें l खुर्सानीको पिरोको औषधी खुर्सानीकै जरा हो भनेर पनि l तर ममा नभएको गुलामी गर्न सक्ने क्षमता र आत्मस्वाभिमान बेच्न सक्ने क्षमताले गर्दा मेरो घाउ निको पार्न सकेन र आज यो फरक जीवन जसोतसो काटिरहेको छु l
मलाई थाहा छैन यो पनि समयले उत्तर देला l राम बहादुर घिमिरे तिमीले नि जान्थ्यौ म पनि चिन्थें l पुष्पराज देबकोटा तिमी र म दुवैले जानेको मान्छे हो l महेन्द्र मरहट्टा हरेक सपनीमा आउंछ अनि ए राजन ! भन्छ जान्छ l अनि गोर्खा क्याम्पस, द्रब्य शाह क्याम्पसको त्यो कार्यक्रम, लक्ष्मीबजारको सडक, जिप्रकाको डी एस पी कक्ष l आज मङ्सिर १५ गतेको दिन सम्झदै गर्दा २०५५ सालका यी घटनाक्रम र साथीहरु पनि झल्झली परेलीमा नाचिरहेछन् किन ? म संग उत्तर छैन l
युद्ध शुरु भो l तिमी र म दुइ पट्टिका l फेरी युद्ध अन्त्य पनि भो l यो २३ बर्षमा दरौंदीमा धेरै पानी बग्यो l त्यो दिनको गोर्खा क्याम्पसको तिम्रो गीत पनि झुट भो l मैले देखेको नयाँ जनबादी गणतन्त्रको रुमानी सपनाले मार्सीको भात खायो, अनि करोडको खाटमा डङरङ्ग सुत्यो l कसैको छोरीलाई तिम्रै रगतले बनेको पार्टीको छहारी चाहियो l कसैलाई तिम्रै परिवारको भोट चाहियो l अनि तिमी आज दिनरात गोर्खा बसपार्कमा निर्जीव खडा छौ, म चाहिँ सजीव तिम्रो परिवारलाई भेट्न जाने स्थितिमा पनि छैन l आज तिम्रो परिवार र मेरो परिवार बाहेक सबैले बिर्सिसकेका छन् यो दिन lश्यामसुन्दर जी l मैले धेरै सोंचे कम्तिमा तिम्रो परिवार सम्म पुगुँ , द्वन्द्वपिडितहरुको पुनर्मिलन होस्, कम्तीमा मैले भन्न पाउँ त्यो निर्दयी
युद्द थियो नेतृत्वद्वारा हामी कार्यकर्ता माथि मात्र थोपरिएको, फेरि भलै युद्धरत पार्टीकै भए पनि म चाहिँ हैन है बा, आमा , म माथिको आरोप मात्र थियो त्यो, तर… तर …त्यहि भन्न पनि म यती कमजोर भएछु कि त्यही शब्द आज १५ गतेको दिन पारेर भन्न बाध्य छु l
आजकाल केन्द्र, प्रदेशतिर तिम्रा र हाम्रा मिलिजुली राज गरिरहेछन्, श्याम सुन्दर जी, ५२- ६३ को त्राशदी हरेक बेलुकी बसेर रक्सी र सितन संग बिर्सदैछ नेतृत्वले l सायद तिम्रो पार्टीको सम्मेलनमा तिम्रो नाम आयो कि आएन ? मलाई थाहा छैन, मेरो भने नाम गुमनाम छ चैते र अवसरबादीहरुको बीचमा l हाम्रा बर्बादी र बलिदान परिबर्तनका लागि हो, थियो भने तमाम सहिद परिवारतिर राज्यको नजर किन पर्दैन ? द्वन्द्व पिडितहरुको चहराईरहेको घाउ के इतिहासको ब्याज खाने बाटो हो र ? आमाको प्रशव पिडा बिना कुनै बच्चा जन्मदैन थाहा छ भनेर हामी चित्त त बुझाऔंला l तर आज तिमिजस्ता १७ हजार र म जस्ता लाखौं नेपालीको रगत, पसिना, त्याग ,तपस्या र बलिदान हाम्रै नेतृत्वको लागि किन मागी खाने भाँडो बन्दैछ ? अझै प्रतिगमन र प्रतिक्रान्तिका बाछिटाहरु फैलनु अघि किन आफ्नो वर्ग, दायित्व र कर्तव्यबाट नेतृत्व च्युत हुदैंछ ? समयमा नै सबैमा सद्बुद्धि आओस, समय फेरिएको छ, अब पुरानै गुडमा बच्चा कोरलेर निर्बल बच्चा कोराल्नु भन्दा आफ्नो वर्ग, दायित्व र कर्तव्यबाट बिचलित नभई नयाँ गुड बनाउने तर्फ सबैको ध्यान जाओस्, नयाँ समयको माग अनुसार नयाँ घर बनोस् l पुन: यो घाइतेको सद्भाव सहित हार्दिक श्रद्धासुमन श्यामसुन्दर जी |
राजन गोतामे
धर्मस्थली, काठमाडौं
kalinrajan@gmail.com

Facebook Comments Box
शिक्षा
गोर्खा संसार

“बसे है पालेदाई” गित ले नकारात्मक सन्देश दिएको भन्दै सम्पूर्ण संचार माध्यमहरूबाट हटाउन माग का सन्दर्भमा अन्नपूर्ण गाउँपालिका, कास्कीमा रहेका

बसे है पाले दाई भन्ने गीतले शिक्षक तथा विद्यालयप्रति मानमर्दन भएको भन्दै कास्कीका अन्नपूर्ण गाउँपालिकाका शिक्षक संगठनहरूले सम्पूर्ण संचार माध्यमहरुबाट उक्त गीतलाई हटाउन माग गर्दै

सबै पढनुहोस »
हेडलार्इन
गोर्खा संसार

बन्दीपुर केबलकारको उद्धार अभ्यास सम्पन्न

Dp Adhikari तनहुँ जिल्ला स्थित बन्दीपुरहिल अन्तर्गतको बन्दीपुर केबलकारले यात्रीहरूको आकस्मिक उद्धारको लागि यात्री उद्धार अभ्यास कार्यक्रम आयोजना गरी सफलता पूर्वक सम्पन्न गरेको छ। सो

सबै पढनुहोस »
हेडलार्इन
गोर्खा संसार

गण्डकी प्रदेश सभाका सभामुख पालुङटार ७ बिरुवाटारमा

जनतासँग सभामुख कार्यक्रम अन्तर्गत गोरखाको पालुङटार नगरपालिका वडा नम्बर ७ कार्यालयमा हिजो गण्डकी प्रदेश सभाका सभामुख माननीय कृष्ण धिताल आउनुभएको थियो । उहाँले जनताहरूसँग भेटघाट

सबै पढनुहोस »
हेडलार्इन
गोर्खा संसार

एक चितुवा मृत अवस्थामा फेला

गोरखाको पालुङटार नगरपालिका वडा नम्बर ७ च्याङ्ली स्थित च्याङ्ली म्याङ्गो गार्डेन रिसोर्ट नजिकै सडकमा आज रातको ९ बजेको समयमा एक बाघ (चितुवा) मृत अवस्थामा फेला

सबै पढनुहोस »
हेडलार्इन
गोर्खा संसार

अझ बाघको आक्रमणबाट दुईजना घाइते

असार ४ गते। गोरखाको पालुङ्गटार नगरपालिका वडा नम्बर ७ च्याङ्लीमा बाघको आक्रमणबाट दुई जना घाइते भएका छन्। घाइते हुनेहरुमा खोलाघाटका ७६ वर्षका गनबहादुर कुमाल र

सबै पढनुहोस »
हेडलार्इन
गोर्खा संसार

बन्दीपुर केवलकार व्यावसायिक रुपमा सञ्चालनमा

पर्यटकीय नगरी बन्दीपुर घुम्न आउने पर्यटक अब केबलकारबाट सहज र छिटो पुग्न सक्ने भएका छन् । परीक्षणका रुपमा मात्रै सञ्चालित बन्दीपुर केवलकार आजदेखि व्यावसायिक रुपमा सञ्चालनमा आएको

सबै पढनुहोस »
No widgets found. Go to Widget page and add the widget in Offcanvas Sidebar Widget Area.