स्वास्थ्य तथा जनसङ्ख्यामन्त्री भानुभक्त ढकाल विरुद्ध उजुरी

काठमाडौँ : कोरोना भाइरसको महामारीबाट सिङ्गो मुलुक नै तहसनहस भइरहेको छ । तर यस्तो बेलामा जनताको स्वास्थ्यको जिम्मा लिएका स्वास्थ्य तथा जनसङ्ख्यामन्त्री भानुभक्त ढकाल भने कोरोना सङ्क्रमणविरुद्धका स्वास्थ्य उपकरण खरिदकाण्डमा फसेका छन् । उनीविरुद्ध अख्तियार दुरुपयोग अनुसन्धान आयोगमा उजुरी नै परेको छ ।

स्वास्थ्य मन्त्रालयले बजार भाउभन्दा चार गुणासम्म महँगो मूल्यमा चीनबाट मेडिकल सामग्री किनेको दाबी गर्दै विवेकशील नेपाली दलका नेता तथा बागमती प्रदेशसभा सदस्य रमेश पौड्यालले अख्तियार दुरुपयोग अनुसन्धान आयोगमा उजुरी दिएका हुन् । प्रदेशसभा सदस्य पौड्यालले सरकारको अनियमितताका विषयमा आवश्यक छानबिन गर्नसमेत माग गर्दै अख्तियारमा उजुरी पेस गरेका छन् । स्वास्थ्य मन्त्रालयले चीनबाट ल्याएका कोरोना भाइरसको रोकथाममा प्रयोग गरिने सामग्री गुणस्तरहीन र अत्यधिक महँगो भएको भन्ने जनगुनासो बढिरहेकै बेला स्वास्थ्यमन्त्री ढकालविरुद्ध अख्तियारमा उजुरी परेको हो ।

बजार दरभन्दा महँगो पर्ने गरी चीनबाट मेडिकल सामग्री खरिद गरेर आर्थिक अनियमितता गरेको दाबीसहित लकडाउनका कारण आयोगको वेबसाइटमार्फत उजुरी दिएको जानकारी पौड्यालले दिएका छन् ।

पौड्यालको उजुरीमा तीन महिनाअघि नै स्वास्थ्य तथा जनसंख्या मन्त्रालयले तयारी गरेको खुलाएको टेन्डर रद्द गरेको, कोरोनाको त्रासमा देश फसेको बेला मेडिकल सामान खरिद गर्न आफू निकट व्यापारीलाई सेटिङ मिलाएको, मेडिकल सामग्री खरिदको अनुभव नै नभएका कम्पनीलाई ३ घन्टामै सेटिङ मिलाएको विषय उल्लेख छ ।

उनको उजुरीमा वाणिज्य विभागमा दर्ता नै नरहेको कम्पनीको कोटेसन स्वीकृत गरेको, विश्व स्वास्थ्य सङ्गठनले सिफारिस नगरेको र्यापिङ टेस्टिङ कीट सात करोडभन्दा माथिको लागतमा किनेको पनि उल्लेख छ । उनको उजुरीमा प्रधानमन्त्री केपी वलीले समेत अख्तियारको छानबिनलाई प्रभावित पार्ने गरी स्वास्थ्यमन्त्रीको बचाउमा अभिव्यक्ति दिएको उल्लेख छ ।

अख्तियार प्रवक्ता प्रदीप कोइरालाले अनियमितता र भ्रष्टाचारको सम्बन्धमा सामाजिक सञ्जाल फेसबुक ट्विटर र आयोगको वेबसाइटमार्फत उजुरी दिनसक्ने व्यवस्था रहेकाले स्वास्थ्यमन्त्रीविरुद्ध पनि त्यसैगरी उजुरी परेको हुनसक्ने बताएका छन् । प्राप्त उजुरीलाई आयोगले अध्ययन गर्ने र त्यसपछि छानबिन प्रक्रिया अघि बढाउने गरेको पनि उनले बताए ।

यसैबीच चर्को मूल्यमा चीनबाट ल्याइएका र्यापिड टेस्टिङ कीट गुणस्तरहीन भएको भन्दै प्रयोग नगर्ने निर्णय स्वास्थ्य मन्त्रालयले नै गरिसकेको छ । काठमाडौँमा मङ्गलबार आयोजित पत्रकार सम्मेलनमा स्वास्थ्यमन्त्रीका स्वास्थ्य सल्लाहकार डा. खेम कार्कीले यस्ता र्यापिङ टेस्ट कीट तत्काल प्रयोग नगर्न निर्देशन दिएका थिए ।

विश्व स्वास्थ्य सङ्गठनले कोरोना रोकथामको सबैभन्दा गतिलो उपाय बढीभन्दा बढी परीक्षण भनेको छ । तर गुणस्तरहीन भएपछि सरकारले महँगो मूल्यमा चीनबाट ल्याएका ५७ हजार थान र्यापिङ टेस्टिङ कीट प्रयोग नै नगरी राखिएको छ ।

सरकारले भने अभावका बेला सामान किन्दा महँगो परेको भन्दै बचाउ गर्ने गरेको छ । स्मरणीय छ, सेक्युरिटी प्रेस खरिद घोटालाकाण्डमा प्रम वलीले बचाउ गर्दागर्दै सरकारका प्रवक्तासमेत रहेका सञ्चारमन्त्री गोकुल बास्कोटा मन्त्री पदबाट राजीनामा दिन बाध्य भएका थिए । स्वास्थ्यमन्त्री ढकाल पनि सस्तो र उच्छृङ्खल अभिव्यक्तिका कारण बेलाबेलामा विवादमा फस्दै आएका छन् ।

Facebook Comments Box
राजनिति
गोर्खा संसार

धारा ७६(२) अनुसार प्रधानमन्त्री नियुक्त भएका प्रधानमन्त्री ओलीले आजै मन्त्रिपरिषद् घोषणा

ओली संविधानको धारा ७६(२) अनुसार प्रधानमन्त्री नियुक्त भएका हुन् ।प्रधानमन्त्री ओलीले आजै मन्त्रिपरिषद् विस्तारको तयारी गरेका छन् । शपथ लिएपछि ओलीले आजै सिंहदरबारस्थित कार्यालयमा पदभारग्रहण

सबै पढनुहोस »
साहित्य
गोर्खा संसार

पत्रकार अधिकारीलाई राष्ट्रिय पत्रकारिता पुरस्कार एवं सम्मान

‘विराट म्युजिक एण्ड फिल्म अवार्ड’ को दोस्रो संस्करणमा   पत्रकार गीता अधिकारीलाई पुरस्कार एवम् सम्मान गरिएको छ । काठमाडौंमा आयोजना भएको अवार्डको विशेष समारोहमा पत्रकार अधिकारीलाई कार्यक्रमका

सबै पढनुहोस »
राजनिति
गोर्खा संसार

केपी ओली आज चौथोपटक प्रधानमन्त्रीमा नियुक्त हुँदै

प्रतिनिधिसभाका दुई ठूला राजनीतिक दलको सहकार्यमा आइतबार नेपाल कम्युनिस्ट पार्टी (एमाले) का अध्यक्ष केपी शर्मा ओली नयाँ प्रधानमन्त्री नियुक्त हुँदैछन्। प्रधानमन्त्री पुष्पकमल दाहाल ‘प्रचण्ड’ले प्रतिनिधिसभाको

सबै पढनुहोस »
हेडलार्इन
गोर्खा संसार

पहिरोमा परी बेपत्ता भएका बसको खोजी आज पनि हुँदै

पहिरोले त्रिशूली नदीमा खसेका दुई वटा बस अहिलेसम्म बेपत्ता रहेका छन् ।नेपाली सेना, सशस्त्र प्रहरी र नेपाल प्रहरीको टोलीले हिजो दिनभर खोजी कार्य गरे पनि

सबै पढनुहोस »
No widgets found. Go to Widget page and add the widget in Offcanvas Sidebar Widget Area.