“ज्ञान, विज्ञान, सीप, उद्यम र मौलिकता: साझेदारी र प्रणालीगत सक्षमता” भन्ने मूल नाराका साथ देशैभर मनाइएको शिक्षा दिवस पालुङटार नगरपालिका भित्रका सबैजसो विद्यालयहरूले पनि विविध कार्यक्रम गरी मनाएका छन्।
यसै अन्तर्गत पालुङटार नगरपालिका वडा नम्बर ७ स्थित जीवन ज्योति माध्यमिक विद्यालय मा विविध कार्यक्रम गरी मनाइएको छ। विद्यार्थीहरूको चौतर्फी विकासका लागि अतिरिक्त क्रियाकलापको महत्व हुने महसुस गर्दै विद्यालयले कक्षा १ देखि १२ सम्ममा तहगत रुपमा विभिन्न छुट्टाछुट्टै कार्यक्रमहरु गरेर शिक्षा दिवस मनाएको हो ! विद्यालयमा कक्षा १ देखि ३ सम्म अध्ययनरत विद्यार्थीहरूका लागि बिस्कुट दौड, कक्षा चार र पाँचमा अध्ययनरत विद्यार्थीहरूका लागि हिसाब दौड, कक्षा ६ देखि ८ सम्म अध्ययनरत विद्यार्थीहरूका लागि मेमोरी टेस्ट, ९ र १० मा अध्ययनरत विद्यार्थीहरुका लागि अन्तर सदनात्मक हाजिरी जवाफ प्रतियोगिता र कक्षा ११ र १२ मा अध्ययनरत विद्यार्थीहरूका लागि “रोजगारमूलक शिक्षा आजको आवश्यकता ” विषय मा निबन्ध लेखन प्रतियोगिता गराइएको थियो प्रतियोगितामा प्रथम, द्वितीय र तृतीय हुने सबै विद्यार्थीहरुलाई विद्यालयका प्रधानाध्यापक बद्रीबहादुर पाण्डेले टिका लगाई पुरस्कार समेत प्रदान गर्नुभएको थियो॥
कक्षा ११ र १२ तर्फ भएको निबन्ध प्रतियोगितामा सम्पूर्ण बिक प्रथम, परीसा कुमाल द्वितीय, मनु परियार तृतीय र समीक्षा कुमालले शान्तवाना स्थान हासिल गरेका थिए। त्यस्तैगरी कक्षा ९ र १० तर्फ भएको अन्तरसधनात्मक हाजिरी जवाफ प्रतियोगितामा मनासलु सदन प्रथम, सगरमाथा सदन द्वितीय र माछापुछ्रे सदन तृतीय भएका थिए ॥ त्यस्तैगरी कक्षा ६ देखि ८ सम्मका विद्यार्थीहरूका लागि सञ्चालन गरिएको मेमोरी टेस्ट प्रतियोगितामा सगरमाथा सदनका रिदम कडेल प्रथम, माछापुछ्रे सदनका अनमोल श्रेष्ठ द्वितीय र अन्नपूर्ण सदनकी प्रियंका अधिकारी तृतीय भएका थिए। कक्षा ४ र ५ का लागि सञ्चालित हिसाब दौडमा माछापुछ्रे सदन की सूचित्रा कुमाल प्रथम, सगरमाथा सदनकी जेसिका श्रेष्ठ द्वितीय र माछापुछ्रे सदनकै शौखिन थापा तृतीय भएका थिए।
कक्षा १ देखि ३ सम्म भएको बिस्कुट दौडमा पनि कक्षागत रूपमा प्रथम द्वितीय र तृतीयलाई पुरस्कार प्रदान गरिएको थियो। जसमा कक्षा १ बाट सूचिता महरा प्रथम, अन्जु कुमाल द्वितीय र विप्सन नहरकी तृतीय भएका थिए त्यस्तैगरी कक्षा २ बाट अबिसन कुमाल प्राथम, अनिल बिक द्वितीय र विश्वास कमाल तृतीय भएका थिए। भने कक्षा ३ बाट समिर कुमाल प्रथम शवनम कुमाल द्वितीय र श्रेया परियार तृतीय भएका विद्यालयका सूचना अधिकारी प्रविण तिवारीले जानकारी लिनुभयो।
