७० लाख विद्यार्थीको पढाइ ठप्प, विद्यालय बन्द गरेर शिक्षकहरू आन्दोलन गर्न काठमाडौंमा

शारीरिक रूपमा अशक्त सिन्धुपाल्चोकका ५० वर्षीय शिक्षक भेषराम पौडेल शिक्षा विधेयकका विरुद्ध आन्दोलनमा सहभागी हुन बुधबार बिहान काठमाडौं आइपुगेका छन् । गाडीबाट झर्नेबित्तिकै उनी संसद भवनअगाडि शिक्षकहरूको आन्दोलनमा सहभागी भए ।

‘३० वर्ष भयो पढाउन थालेको, एक तह पनि बढुवा भएको छैन । गाउँपालिकामा अधिकार पठाएको छ । त्यहाँ राजनीतिक प्रतिशोधका आधारमा काम हुन्छ,’ उनले भने, ‘शिक्षा विधेयकमा शिक्षकको अधिकार सुरक्षित हुनुपर्छ ।’

अशक्तको हकमा १५ वर्षमै पेन्सनको व्यवस्था हुनुपर्ने उनको माग छ । ‘अशक्त, अपाङ्ग दृष्टिविहीनमैत्री विधेयक छैन । कतिपय विद्यालयले हाजिर पनि गर्न मान्दैनन् । पालिकाले अपायक ठाउँमा सरुवा गर्छ । शिक्षकको सरुवा पालिकाले गर्न मिल्दैन । १५ वर्षमा नै पेन्सनको व्यवस्था हुनुपर्छ,’ उनले भने । सरकारले माग सम्बोधन नगरेसम्म सिन्धुपाल्चोक नफर्किने उनको अडान छ ।

०००

पाल्पाबाट आएका शिक्षक झवीन्द्र देवकोटा संसद भवनअगाडि शरीरभरि ब्यानर टाँगेर बसेका थिए । १२ कक्षासम्म पढाउने उनी पनि बाध्य भएर आन्दोलनमा काठमाडौं आउनुपरेको बताउँछन् । ‘शिक्षकको हातखुट्टा बाँध्ने गरी विधेयक आएको छ । चुप लागेर बस्नु हुँदैन भनेर आएको हुँ । शिक्षा विधेयक शिक्षक, अभिभावक, विद्यार्थीले लेख्ने हो । एउटा सचिवको भरमा पेस गरेको छ,’ उनले आक्रोश पोखे ।

निजामती कर्मचारीले शिक्षा र शिक्षकको कानुन बनाउन नसक्ने तर्क उनको छ । ‘शिक्षालाई सम्मानित बनाउन पढाइ थाती राखेर आएका हौँ,’ उनले भने । तर, विद्यार्थीको पढ्न पाउने अधिकार छ । पढ्न पाएनन् नि भन्ने प्रश्नमा उनी भन्छन्, ‘विद्यार्थीका लागि अन्याय भयो । विद्यार्थी मर्कामा परेका छन् । तर, राज्यले बाध्य बनाएको हो । सरकारले बुझेको भए यस्तो स्थिति नै आउने थिएन ।’

०००

भक्तपुरकी शिक्षिका मञ्जु बस्नेत शिक्षकहरू अन्यायमा परेकाले विद्यालय नै बन्द गरेर आन्दोलनमा आएको बताउँछिन् । ‘१९ प्रकारका शिक्षक छन् । राज्यको कमजोरीले यस्तो भएको हो । पेन्सन, ग्रेडवृद्धिलगायतका सेवासुविधाबाट वञ्चित गरेको छ । ३० वर्ष सेवा गरेका शिक्षकको माथिल्लो तहमा बढुवा हुँदैन,’ उनले भनिन् ।

स्थानीय सरकारलाई अधिकार दिँदा शिक्षा क्षेत्रमा असर पर्ने तर्क उनको छ । ‘अधिकार स्थानीयलाई दिइयो । स्थानीयले राम्रोलाई होइन, हाम्रोलाई खुवाएको छ,’ उनी भन्छिन् । विद्यालय नै बन्द गरेर आन्दोलनमा आउन मिल्छ त भन्ने प्रश्नमा उनी भन्छिन्, ‘विद्यार्थीको भविष्य बर्बाद गर्न आएको होइन । तिनै विद्यार्थी भोलि शिक्षक हुन्छन् । उनीहरूको अधिकार सुनिश्चित गर्न आएका हौँ ।’

teacher 91695190691.jpg

०००

सोलुखुम्बुको सोताङ गाउँपालिकाका ५० वर्षीय शिक्षक रामहादुर बस्नेत पनि बुधबार बिहान काठमाडौं आइपुगेका छन् । एक दिन हिँडेर, अर्को दिन बस चढेर उनी आन्दोलनमा सहभागी हुन काठमाडौं आएका हुन् । उनी राहत शिक्षक हुन् । पढाउन थालेको २२ वर्ष भयो तर स्थायी नभएको उनको गुनासो छ । ‘जीवनमरणको अन्तिममा छौँ । सरकारले पटकपटक धोका दियो । विधेयक शिक्षकको हकहितमा छैन,’ उनी भन्छन् ।

आन्दोलमा सहभागी हुन आएका उनका दुई जना साथी सवारी दुर्घटनामा परे । अहिले केएमसीमा उपचाररत छन् । उनीहरूको पनि प्रतिनिधित्व गर्दै उनी बानेश्वर पुगेका थिए । ‘दुई जना साथी गाडी नपाएर बाइकमा आउँदा दुर्घटनामा पर्नुभयो । टंकप्रसाद दाहाल र हरिबहादुर बस्नेतको अहिले उपचार भइरहेको छ,’ उनले भने

०००

अछमदेखि आएकी राहत शिक्षक जानकीकुमारी रावल हिजो राति काठमाडौं आइपुगेकी हुन् । प्राविकी राहत शिक्षक रावलले एकपटक शिक्षक सेवा आयोगको परीक्षा दिएकी थिइन् तर अनुत्तीर्ण भइन् । राहत शिक्षकले सेवा सुविधा पाउनुपर्ने माग राखेर उनी काठमाडौं आएकी हुन् । उनी पनि माग पूरा नभएसम्म जिल्ला फर्किने सोचमा छैनन् ।

०००

बाराबाट रमावती चौधरी र मुन्नी शर्मासहितको ईसीडीका शिक्षकहरू आन्दोलनमा सहभागी हुन काठमाडौं आइपुगेका छन् । केन्द्रबाट १० हजार र स्थानीयले ७ हजार तलब दिए पनि समयमा नपाउने गरेको उनीहरूको गुनासो छ । स्थानीयले तीन महिनामा एकपटक मात्र दिने गरेकाले सबै तलब केन्द्र सरकारबाट आउनुपर्ने माग उनीहरूको छ । ‘कहिले पाँच महिनासम्म पनि दिँदैन । कहिले तीन महिनामा एकपटक दिन्छ । दुई महिनाको बाँकी राख्छ,’ शर्माले भनिन्, ‘ईसीडीका शिक्षकलाई स्थानीयमा होइन, केन्द्रअन्तर्गत राख्नुपर्छ ।’

०००

शिक्षकहरूको आन्दोलनले ७० लाख बालबालिकाको पढाइ प्रभावित भएको छ । विद्यालय नै बन्द गरेर शिक्षकहरू अनिश्चितकालीन आन्दोलनमा उत्रिएका छन् । शिक्षक महासंघको नेतृत्वमा आन्दोलन सुरु भएको हो । ‘देशभरबाट शिक्षक आएका छन् । विद्यालय बन्द हुन्छ तर विद्यार्थीको सिकाइमा भोलिका दिनमा असर नपर्ने गरी पढाउँछौँ,’ महासंघकी अध्यक्ष कमला तुलाधरले भनिन् ।

४ लाख शिक्षक र कर्मचारीको हकहितविपरीत विधेयक आएको उनको भनाइ छ । शिक्षा, विज्ञान तथा प्रविधि मन्त्रालयले महासंघलाई वार्तामा बोलाएको छ । तर, विधेयक संसदमा दर्ता भएकाले शिक्षा मन्त्रालयसँग वार्ता गर्नुको औचित्य नरहेको महासंघको निष्कर्ष छ । सरकार प्रमुख, प्रमुख दलका सचेतक र संसदीय समितिका सभापतिसँग वार्ता गर्ने महासंघको भनाइ छ ।

Source: shilapatra.com

Facebook Comments Box
फुटबल
गोर्खा संसार

प्रथम पूर्णे पिपल कप फुटबल प्रतियोगिताको उपाधि खत्रीटारलाई

गोर्खाको भलुङ्टार नगरपालिका वडा नम्बर ७ च्याङ्लीमा अवस्थित पुर्णे पिपल युवा क्लबद्वारा आयोजित प्रथम पूर्णे पिपल कप फुटबल प्रतियोगिताको उपाधि खत्रीटार युवा क्लबले हात पारेको

सबै पढनुहोस »
फुटबल
गोर्खा संसार

पालुङटार नगरपालिका वडा नम्बर ७ च्याङ्लीमा रहेको पूर्णे पिपल युवा क्लबद्वारा आयोजित अन्डर नाइन्टिन फुटबल प्रतियोगिताको उद्घाटन खेलमा खत्रीटार युवा क्लब विजयी बनेको छ। पुर्णे

सबै पढनुहोस »
राष्ट्रिय
गोर्खा संसार

अण्डाको समर्थन मूल्य तोकियो, मध्यमको प्रतिक्रेट ३७५

काठमाडौं । नेपाल लेयर्स कुखुरा पालक संघले अण्डाको समर्थन बिक्री मूल्य तोकेको छ । नयाँ समर्थन मूल्य भोलि चैत २२ गतेबाट लागू हुनेछ ।नयाँ समर्थन

सबै पढनुहोस »
Uncategorized
गोर्खा संसार

त्रिशुलीमा खसेर बेपत्ता भएका बालकको शव चारदिनपछि फेला

पशुपति आर्यघाटमा बुबाको दाहसंस्कार गरेर फर्किँदा त्रिशुलीमा खसेर बेपत्ता भएका एक बालकको शव चारदिनपछि फेला परेको छ । बा २ ज ४१९६ नंबरको ट्याक्सी पृथ्वीराजमार्गको

सबै पढनुहोस »
मुख्य समाचार
गोर्खा संसार

रेडक्रस, समाज कल्याण र बालअधिकार परिषद् सुधार्न क्रियाशिल छुः मन्त्री चौधरी

काठमाडौं । महिला बालबालिका तथा ज्येष्ठ नागरिक मन्त्री भगबती चौधरीले मन्त्रालय र मन्त्रालयसँग संबद्ध सरकारी निकाय सुधार गर्न आफु प्रतिबद्ध रहेको बताउनु भएको छ ।

सबै पढनुहोस »
Breaking 1
विजय कुमाल

न्युज वेबसाइट डिजाइनसँगै पत्रकारिता सम्बन्धी १५ दिने तालिम हुँदै

सूचना प्रविधिको विकाससँगै पछिल्लो समय नयाँनयाँ समाचारीय वेबसाइटहरु निर्माण गर्ने र सञ्चालन गर्ने होड चलिरहेको बेला पोखराको एक कम्पनीले वेबसाइट डिजाइनसँगै आधारभूत पत्रकारितासमेतको तालिम आयोजना

सबै पढनुहोस »
No widgets found. Go to Widget page and add the widget in Offcanvas Sidebar Widget Area.