सामुदायिक विधालयको शैक्षिक सुधारका निम्ति गाउँपालिका र हेलम्बु एजुकेशन बिच सम्झौता ।

आँबुखैरेनी, २४ चैत । तनहुँको आँबुखैरेनी गाउँपालिका र हेलम्बु एजुकेशन एण्ड लाइभलीहुड पार्टनशिप हेल्प-काठमाडौं बिच आज शुक्रबार सम्झौता भएको छ । आँबुखैरेनी गाउँपालिका अन्तर्गतका सामुदायिक विद्यालयहरुको शैक्षिक गुणस्तर सुदृढ गर्नको लागि हेलम्बु एजुकेशन एण्ड लाइभलीहुड पार्टनशिप हेल्प-काठमाडौंका कार्यकारी निर्देशक जिमि लामा र गाउँपालिकाका प्रमुख प्रशासकीय अधिकृत बिष्णु प्रसाद शर्माले सम्झौता पत्रमा हस्तान्तरण गर्नुभएको छ । सम्झौता पत्रमा उल्लेखित सर्तहरु शैक्षिक सत्र २०८० साल बैशाख महिना देखि लागु हुनेछ । सामुदायिक विधालयमा शैक्षिक सुधारको निम्ति गाउँपालिका अध्यक्ष शुक्र चुमान, उपाध्यक्ष दुर्गा अर्याल, हेलम्बु एजुकेशन एण्ड लाइभलीहुड पार्टनशिप हेल्प-काठमाडौंका कार्यकारी निर्देशक जिमि लामा, प्रमुख प्रशासकीय अधिकृत बिष्णुप्रसाद शर्मा, शिक्षा, युवा तथा खेलकुद शाखा प्रमुख निर्मला कुवँर लगायतकाले महत्वपूर्ण छलफल समेत गरेका छ्न ।