विराटनगर, २८ साउन । सुनसरीको झुम्का कारागारबाट जबरजस्ती करणी (बलात्कार) मुद्दामा सजाय भोगिरहेका एक कैदी मंगलबार राति फरार भएका छन् ।
फरार हुनेमा खोटाङको दिप्रुङ चुइचुम्मा गाउँपालिका–२ का २८ वर्षीय रुपक पौडेल खत्री रहेका छन् । जेलर सुवासकुमार लामिछानेका अनुसार उनी ‘बी’ ब्लकमा राखिएका थिए र कारागारको पर्खाल नाघेर भागेका हुन् ।
सामूहिक बलात्कार प्रकरणमा संलग्न खत्रीलाई जिल्ला अदालत सुनसरीले २०८१ चैत २५ गते १३ वर्ष कैद सजाय सुनाएको थियो । उनी २०८१ साउन २१ गतेदेखि झुम्का कारागारमा रहेका थिए ।
घटनाबारे छानबिन गर्न सुनसरीका सहायक प्रमुख जिल्ला अधिकारी लोकमान श्रेष्ठको संयोजकत्वमा ५ सदस्यीय समिति गठन गरिएको छ ।
