गोरखा, ९ जेठ ।
जिल्ला प्रहरी कार्यालय गाेरखाले गाेरखा नगरपालिका वडा नं. १२ बाट ४९८ ग्राम गाँजासहित एक जनालाइ पक्राउ गरेकाे छ ।
जेठ ९ गते बिहान करीब ९ बजेकाे समयमा गाेरखा नगरपालिका १२ पाण्डे डि बस्ने बर्ष ६६ को मैते कामीलाई प्रहरीले पक्राउ गरेको जिल्ला प्रहरी कार्यालय गोरखाका प्रहरी नायव उपरीक्षक (डिएसपी) लिलाराज लामिछानेले जानकारी दिनुभयो ।
कामीले आफ्नै घरको कोठामा लुकाई छिपाई राखेको अवस्थामा लागू औषध गाँजा ४९८ ग्राम फेला परेको डिएसपी लामिछानेले बताउनुभयाे ।
औषध लुकाई छिपाई राख्ने निज कामीलाई बिरुद्ध लागू औषध गाँजा शीर्षकमा मुद्दा दर्ता गरि गोरखा जिल्ला अदालतबाट म्याद थप गरेर अनुसन्धान अघि बढाइएको र उनलाई हिरासतमा राखी अनुसन्धान गर्न अघि बढाइएको प्रहरीले जनाएको छ ।
Facebook Comments Box
