१७ औं भानु कपको उपाधि च्याङ्ली स्पोर्ट क्लब गोर्खालाई
श्रावण २७ , डिपि अधिकारी भानु
तनहुँ जिल्लाको सर्बाधिक पुरस्कार राशीको १७ औं भानु कप फूटबल प्रतियोगिताकोे उपाधि च्याङ्ली स्पोर्ट क्लब गोर्खाले हात पारेको छ ।
आईतबार भएको फाइनल खेलमा लिभिक कन्ट्रक्सन शुक्लालाई
१ – ० गोल अन्तरले हराउँदै च्याङ्ली स्पोर्ट क्लब गोर्खा यस वर्षको च्याम्पियन बनेको हो । खेलको पहिलो हाफमा कुनै गोल नभए पनि दोस्रो हाफको पाँचौं मिनेटमा च्याङ्ली स्पोर्ट क्लबका जर्सी नं. ५ का बिमल ठोकरको गोलले नै च्याङ्ली स्पोर्ट क्लबले उपाधि उचालेको हो । च्याम्पियन च्याङ्लीले सेमिफाइनल खेलमा सुर्यपुर एफसी चितवनलाई २ ० को गोल अन्तरमा हराउँदै फाईनलको यात्रा तय गरेको थियो । विजेता टिमले २ लाख ५० हजार २११ रुपैयाँ नगद सहित शिल्ड, मेडल,ट्रफी र प्रमाणपत्र प्राप्त गरेको प्रचार प्रशार समितिका संयोजक सुभाष सापकोटाले बताउनु भयो ।
यता लिभिक कन्ट्रक्सन शुक्ला भने उप विजेता मै चित्त बुझाउन बाध्य भएको छ । हजारौं दर्शकहरुको उपस्थिति रहेको निकै प्रतिस्पर्धात्मक खेलमा लिभिक कन्ट्रक्सनले पटक पटक सुनौलो मौकाको फाईदा लिन सकेन । उप विजेता शुक्लाले एक लाख २५ हजर २११ रुपैयाँ सहित शिल्ड, मेडल, ट्रफी र प्रमाणपत्र प्राप्त गरेको छ ।
नाईन ए साईडको फूटबल प्रतियोगिता १९ साउनदेखी सुरु भै २७ गते आईतबार समापन भएको छ । भानुलाई रास्टिय रुपमा चिनाउने उदेश्यले प्रतियोगिता गरिएको खेल संयोजक भरत बानियाँले जानकारी दिनुभयो । भानुकप २०५९ साल देखि शुरु भएको भएपनि कोभिडका कारण केही समय रोकिएको थियो । अहिले अवस्था सहज भएपछि प्रतियोगितालाई निरन्तरता दिइएको भन्सार युवा क्लबका अध्यक्ष अर्जुन कुमार श्रेष्ठले बताउनुभयो ।
खुल्ला नकआउट फुटबल प्रतियोगिताका लागि विभिन्न संघ संस्था र समाजसेवीहरुबाट आर्थिक सहयोग आएको आर्थिक संयोजक सोम तामाङले जानकारी दिनुभयो ।
भन्सार युवा परिवार,सालबिस्ने र भिमसेन युवा क्लबको संयुक्त आयोजनामा फुटबल प्रतियोगिता संचालन गरिएको हो । सेमीफाईनलमा पुग्ने २ टिम फ्रेण्डसिप युवा क्लब भानु ३ खहरे र सुर्यपुर एफसी चितवनलाई २५ हजार २ सय ११ र प्रमाणपत्र प्राप्त गरेका छन् ।
उत्कृष्ट खेलाडी लिभिक कन्ट्रक्सन शुक्लाका जर्सी न।४ सङ्गम ठकुरी घोषित भए, उनले नगद रु ५ हजार २११ ट्रफी,मेडल, प्रमाणपत्र प्राप्त गरे, उत्कृष्ट गोल रक्षक च्याङ्लीका जर्सी न १ गोल रक्षक केशर कोइराला घोषित भए ।
सर्वाधिक फ्रेण्डसिपका विदेशी खेलाडि रिर्चाज वीसनले नगद रु ५ हजार २ सय ११ ट्रफी,मेडल,प्रमाणपत्र प्राप्त गरे उनले खेल अवधिभर ४ गोल गरेका थिए ।
,
अनुशासित टिम सुर्यपुर एफसी चितवन घोषणा गरिएको छ ।
प्रतियोगितामा २४ टिमको सहभागिता रहेको प्रचार प्रसार समितिका सदस्य एवं हाम्रा सम्वाददाता राजेश कार्कीले जानकारी दिनुभया्।
त्यसैगरी छेलो प्रतियोगिता तर्फ शंतोष कँडेलले प्रथम पुरस्कार ६ हजार २ सय ११ र प्रमाणपत्र र बाघचाल तर्फ शंकर न्यौपानेले प्रथम पुरस्कार ६ हजार २ सय ११ , प्रमाणपत्र प्राप्त गर्नु भएको आयोजकले जनाएको छ ।
