भन्सारमा शनिबार आयोजित मैत्रीपूर्ण फुटबलमा पत्रकार महासंघ तनहुँको टिम विजयी
- शंकरराज नहर्की । तनहुँ १२ साउन २०८१ शनिवार । १७ औं भानुकप फुटबल प्रतियोगिताको पूर्वसन्ध्यालाई लिएर तनहुँको भानु नगरपालिका भन्सारमा आज आयोजित मैत्रीपूर्ण फुटबल प्रतियोगितामा नेपाल पत्रकार महासंघ तनहुँको टिम विजयी भएको छ ।
मैत्रीपूर्ण फुटबलमा महासंघ तनहुँले आयोजक भन्सार युवा परिवारलाई ४–३ गोलले पराजित गरेको हो । पत्रकारको तर्फबाट सुदीप पौडेल र मनोज कुमार श्रेष्ठले २/२ गोल गरे।
। आयोजकको तर्फबाट प्रेम तामाङले २ र एलोन तामाङले १ गोल गरेका थिए ।
मैत्रीपूर्ण खेलमा भानु नगरपालिकाका नगर प्रमुख आनन्दराज त्रिपाठीको समेत सहभागिता रहेको थियो ।
खेल निकै प्रतिस्पार्धात्मक रुपमा भएको पत्रकार महासंघ तनहुँका उपाध्यक्ष डिपी अधिकारीले बताए ।
उक्त खेल १५/१५ मिनेटको गरिएको थियो । पत्रकार सम्मेलन पश्चात मैत्रीपूर्ण खेल गरिएको हो । २११ औं भानु जयन्तीका अवसरमा यही साउन १९ गतेबाट हुने १७ औं भानुकप फुटबल प्रतियोगितालाई लिएर आयोजक र पत्रकार बीच मैत्रीपूर्ण फुटबल गरिएको कार्यक्रम संयोजक विष्णु अधिकारीले बताए ।
Facebook Comments Box
