ऐनविपरीत लिए चाडपर्व खर्च वडाध्यक्षले लिए दोहोरो सुविधा नगरप्रमुखले नै तिरेनन् कर कार्यपालिकाकै निर्णय पालना भएन  एउटै तालिम गर्न १४ लाख भुक्तानी

 

भरतपुर । माडी नगरपालिकाको आर्थिक वर्ष २०७५/७६ को अन्तिम लेखापरीक्षण प्रतिवेदन सार्वजनिक भएको छ । त्यस आवको वार्षिक स्वीकृत कार्यक्रमका लागि विनियोजन भएको बजेटमाथि महालेखा परीक्षकको कार्यालयले लेखापरीक्षण गरी प्रतिवेदन सार्वजनिक गरेको हो ।

प्रतिवेदनअनुसार माडी नगरपालिकाले अधिकांश कार्यक्रमको बजेट ऐन कानुनविपरीत गएर निकासा गरेको देखिएको छ । महालेखा परीक्षकको कार्यालयले माडी नगरपालिकाको आर्थिक वर्ष २०७५/७६ को कुल बेरूजु १० करोड २० लाख ८४ हजार रूपैयाँ औँल्याएको छ । जसमा अनियमित भएको ४ करोड ९ लाख ९८ हजार, असुल गर्नुपर्ने २४ लाख ३९ हजार, प्रमाण कागजात पेश गर्नुपर्ने ४ करोड ९७ लाख ४९ हजार र पेश्की बाँकी ८८ लाख ९८ हजार रूपैयाँ छ ।

नियमित गर्नुपर्नेबाहेकका अधिकांश बेरूजु रकम फस्र्याैट भइसकेको माडी नगरपालिकाका लेखापाल विश्व कोइरालाले दाबी गरे । अनियमितरुपमा भएको खर्चलाई लेखा समितिले आगामी नगरसभामा लैजाने उनले बताए । आवश्यक प्रमाणहरु जुट्न सके नगरसभाले अनुमोदन गर्ने उनको भनाइ छ ।

त्यस आवमा नगरपालिकाले छनोट गरी कार्यान्वयन गरेका अधिकांश योजनाहरुको सम्भाव्यता अध्ययन नभएको पाइएको छ । सम्भाव्यता अध्ययन नगरी गरेको योजनाको प्रभावकारी कार्यान्वयन हुन नसक्ने र त्यसले प्रतिफल पनि नदिने भन्दै महालेखाले सचेत गराएको छ ।

कार्यपालिकाकै निर्णय पालना भएन 
माडी नगरपालिकाको नगरकार्यपालिका स्वयंले गरेको निर्णयसमेत पालना नभएको महालेखाले भनेको छ । राष्ट्रपति चुरे संरक्षण कार्यक्रमतर्फका विभिन्न योजनाहरु नगरपालिका स्वयंले गरेको निर्णयविपरीत गएर उपभोक्ता समितिमार्फत गराएको भेटिएको छ ।

कार्यपालिकाको २०७५ माघ २७ गतेको निर्णय नं १० ‘क’मा नगरपालिकाद्वारा सञ्चालन गरिने ५० लाखमाथिको जुनसुकै योजनाहरु भए पनि टेन्डरमार्फत गर्ने निर्णय छ । तर, नगरपालिकाले ५९ लाख ४८ हजार लागतको नदी तटबन्ध, ५७ लाख १२ हजार लागतको घाँघर खोला सिराय तटबन्ध, ५० लाख १९ हजार लागतको पतरे खोला तटबन्ध र ६२ लाख ८६ हजार लागतको मुगई खोला तटबन्ध उपभोक्ता समितिमार्फत गरेको पाइएको महालेखाले औँल्याएको छ ।

त्यसैगरी, नगरपालिकाले एक करोडभन्दा बढीका योजनाहरुलाई टुक्रा–टुक्रा बनाएर उपभोक्ता समितिमार्फत गराएको पाइएको छ । सार्वजनिक खरिद ऐनअनुसार एक करोडभन्दा बढी लागत अनुमान रहेको योजना टेन्डरमार्फत गर्नुपर्ने र प्रतिस्पर्धा सीमित हुने गरी त्यसलाई साना टुक्रा–टुक्रा पारेर उपभोक्ता समितिमार्फत गर्न हुँदैन । माडी नगरपालिकाले भने दुई करोड ३८ लाखभन्दा बढी लागत अनुमान रहेको मुगई खोला तटबन्धको काम चार टुक्रा पारेर उपभोक्ता समितिमार्फत गराएको पाइएको छ ।

यतिमात्रै नभएर दुईवटा टुक्रा योजनामा उपभोक्ता समितिको अध्यक्ष एउटै व्यक्तिलाई बनाइएको छ । खरिद ऐनविपरीत गएर गरिएको यस्ता कार्यमा लाखौँ रूपैयाँ अनियमितता हुन सक्ने आशङ्का गरिएको छ ।

ऐनविपरीत लिए चाडपर्व खर्च
माडी नगरपालिकाका निर्वाचित जनप्रतिनिधिले आव ०७५/७६ मा ऐनविपरीत गएर चाडपर्व खर्च लिएको पाइएको छ । ऐनविपरीत नगरप्रमुखले ३५ हजार, उपप्रमुखले ३१ हजार, प्रतिवडाध्यक्षले २१ हजार र प्रतिकार्यपालिका सदस्यले ७ हजार रूपैयाँ लिएको महालेखाले बताएको छ ।

स्थानीय तहका पदाधिकारी तथा सदस्यको सुविधासम्बन्धी ऐन २०७५ मा पदाधिकारी तथा सदस्यले चाडपर्वबापत कुनै पनि सुविधा पाउने व्यवस्था छैन । नगरप्रमुखसहित सबै जनप्रतिनिधिले लिएको चाडपर्वबापतको ४ लाख ९७ हजार रूपैयाँ असुल गर्नुपर्ने महालेखाको प्रतिवेदनले औँल्याएको छ ।

वडाध्यक्षले लिए दोहोरो सुविधा
सरकारी कोषबाट निवृत्तिभरण पाइरहेका जनप्रतिनिधिले निवृत्तिभरण वा स्थानीय तहका पदाधिकारी तथा सदस्यले पाउने सेवासुविधा कुनै एकमात्र पाउने कानुनी व्यवस्था छ । माडी नगरपालिकाका पाँच जना वडाध्यक्ष र एक सदस्यले दोहोरो सुविधा लिएको पाइएको छ ।

आव २०७५/ ७६ मा वडाध्यक्षहरु ईश्वरी ढकाल, चन्द्रदीप महतो, बालकृष्ण सापकोटा, कृष्णराज अधिकारी, शिवहरि सुवेदी र वडा सदस्य विश्वनाथ महतोले दोहोरो सुविधाबापत २१ लाख ९ हजार ४५८ रूपैयाँ लिएको पाइएको छ । उनीहरुले २०७४ जेठदेखि २०७६ असारसम्म दोहोरो सुविधा लिएको महालेखाले भनेको छ ।
त्यसैगरी, प्रत्येक वडा कार्यालयमा महिनामा दुईपटक बैठक बसेको भनी ऐनविपरीत १६ लाख ९५ हजार रूपैयाँ बैठक भत्ता बाँडिएको देखिएको छ । माडी नगरपालिकामा ९ वटा वडा रहेको छ ।

तालिम गर्न १४ लाख भुक्तानी
माडी नगरपालिकाले एउटा संस्थालाई तालिम सञ्चालन गर्न १४ लाख रूपैयाँ दिएको पाइएको छ । नगरपालिका र नेपाल आदिवासी जनजाति महासंघ नगर समन्वय परिषद् माडीबीच तालिमसम्बन्धी कार्य २०७६ वैशाख २८ गतेभित्र सम्पन्न गर्ने गरी २०७५ चैत २८ गते सम्झौता भएको थियो ।

उक्त तालिमका लागि भनी २०७६ जेठ १४ गते १४ लाख रूपैयाँ अनुदान निकासा गरिएको महालेखाको प्रतिवेदनमा उल्लेख छ । वार्षिक स्वीकृत कार्यक्रममा व्यवस्था नै नभएको अवस्थामा समेत यति ठूलो रकम तालिमका लागि भन्दै निकासा गरेको भन्दै यससम्बन्धी छानबिन हुनुपर्ने महालेखाले बताएको छ ।
नगरपालिकाले व्यावसायिक पशुपालन र लघु उद्यमशील कार्यक्रमका लागि उक्त १४ लाख रूपैयाँ स्वीकृत गरेको थियो ।

नगरप्रमुखले नै तिरेनन् कर
माडी नगरपालिका प्रमुख ठाकुर ढकालले नै कर नतिरेको महालेखा परीक्षकको कार्यालयले बताएको छ । आफैँले कर तिर्ने गरी नगरसभाबाट पारित गरेको रकम पदाधिकारीबाटै दाखिला गरेको नदेखिएकोले असुल गरी सञ्चित कोषमा दाखिला गर्नुपर्ने महालेखाको प्रतिवेदनमा उल्लेख छ ।
प्रतिवेदनअनुसार आव २०७५/७६ मा नगरप्रमुख ढकालले ५ हजार, उपप्रमुख ताराकुमारी काजी महतोले ३ हजार र वडाध्यक्षहरुले दुई÷दुई हजार रूपैयाँ कर तिरेका छैनन् । पदाधिकारीको एकमुष्ट कर रकम २६ हजार रूपैयाँ सञ्चित कोषमा दाखिला गर्नुपर्ने महालेखाले भनेको छ ।

Source: chitwanpost

Facebook Comments Box
Uncategorized
गोर्खा संसार

गुरु पूर्णिमाका दिन सेवा निवृत्त १० जना जेष्ठ शिक्षकहरूलाई सम्मान 

सेवा निवृत्त शिक्षक समाज गोरखाले गुरुपूर्णिमाको अवसर पारेर एक कार्यक्रमका बीच ८० वर्ष उमेर पार गरेका १० जना सेवा निवृत्त शिक्षकहरुलाई सम्मान गरेको छ। सेवा

सबै पढनुहोस »
हेडलार्इन
गोर्खा संसार

वनको बाँदर वनैमा कार्यक्रम अन्तर्गत आज विभिन्न स्थानहरूमा वृक्षारोपण

पालुङटार नगरपालिकाकाे १५ अाै नगरसभाबाट पारित नीति, याेजना तथा कार्यक्रम अनतर्गत वनकाे बादर वनैमा कार्यक्रम कार्यन्वयन गर्ने क्रममा मिति २०८१/०३/०५ मा भएकाे वन उपभोक्ता समिति

सबै पढनुहोस »
हेडलार्इन
गोर्खा संसार

भक्तपुर जिल्ला अदालतबाट १३ वर्ष ९६ वर्ष कैद भुक्तान भएन  

सन्जिब दुलाल  भक्तपुर । भक्तपुर जिल्ला अदालतबाट १३ सय ९६ वर्ष ६ महिना ३ दिन कैद तथा जरिवाना भुक्तान बाँकी रहेको पाइएको छ ।  भक्तपुर

सबै पढनुहोस »
मुख्य समाचार
गोर्खा संसार

पालुङटार नगरपालिका ७ मा बालमैत्री स्थानीय शासन सम्बन्धी अन्तरक्रिया कार्यक्रम सम्पन्न

साउन ४, गाेरखा । गोरखाको पालुङटार नगरपालिका वडा नम्बर ७ च्याङ्ली मा एस ओएस बालग्राम गण्डकी को आयोजना तथा पालुङटार नगरपालिका वडा नं. ७ को

सबै पढनुहोस »
स्थानीय
गोर्खा संसार

गोरखामा गौ हत्या आरोप लागेका २ बालक अभिभावकको जिम्मामा, एक जना पुर्पक्षका लागि कारागार चलान

गौ हत्या आरोप लागेका गोरखाका एक युवकलाई अदालतको आदेशले पुर्पक्षका लागि कारागार चलान गरिएको छ । कारागार चलान हुनेमा धार्चे गाउँपालिका–२ केरौजा घर भई हाल

सबै पढनुहोस »
Uncategorized
गोर्खा संसार

पालुङटार ७ मा परिवार सबलीकरण कार्यक्रम सम्बन्धी अन्तरक्रिया कार्यक्रम सम्पन्न

गोरखाको पालुङटार नगरपालिका वडा नम्बर ७ च्याङ्ली मा एस ओएसकोआयोजनामा परिवार सबलीकरण सम्बन्धी अन्तरक्रिया कार्यक्रम सम्पन्न भएको छ। पालुङटार नगरपालिका वडा नम्बर ७ का वडाध्यक्ष

सबै पढनुहोस »
No widgets found. Go to Widget page and add the widget in Offcanvas Sidebar Widget Area.