आँबुखैरेनीमा मर्निङ वक ट्र्याक बन्दै।।

तनहुँको आँबुखैरेनीमा मर्निङ वक ट्र्याक निर्माण गरिने भएको छ । आँबुखैरेनी-३ स्थित चिसापानी टोलबाट केहि माथि पहरेपानी सामुदायिक वन हुँदै वन भित्र भित्रै गौरी आँप सम्मको स्थानलाई अब मर्निङ वक ट्र्याकको रूपमा निर्माण गरिने भएको हो । आँबुखैरेनी गाउँपालिकाको ८ लाख रुपैयाँको बजेट मार्फत लायन्स क्लब अफ आँबुखैरेनी सिटीले क्लबको श्रमदान सहित झन्डै १ किलोमीटर दुरिमा मर्निङ वक ट्र्याक निर्माण गर्ने जिम्मेवारी प्राप्त गरेको हो। क्लबका संस्थापक अध्यक्ष लायन रत्नकुमार श्रेष्ठको परिकल्पना र क्लबको सामाजिक उत्तरदायित्व कार्यक्रम अन्तर्गत यस योजना(मर्निङ वक ट्र्याक) सफलता पुर्वक सम्पन्न गर्ने लक्ष्य क्लबले लिएको छ । चिसापानी टोल-पहरेपानी सामुदायिक वन-गौरी आँप सम्मको स्थान अति सुन्दर शान्त बाताबरण, आँबुखैरेनी बजारबाट नजिक, स्वच्छ हावा, हरियाली सगै सितलताको महसुस गर्दै आँबुखैरेनी र गोरखा जिल्लाका विभिन्न स्थानहरुको सुन्दर दृश्य देखिने तथा स्वास्थ्य लाभको दृष्टिकोणले पनि महत्त्वपूर्ण स्थान रहेको र मर्निङ वकका क्रममा राजमार्गमा हुने सवारी दुर्घटना न्यूनीकरणमा समेत सहयोग पुर्याउने लक्ष्यका साथ मर्निङ वक ट्र्याक बनाउन लागिएको क्लबका अध्यक्ष लायन शिव खनालले जानकारी दिनुभयो । ट्र्याक निर्माणको काम आज बाट सुरु गरिने समेत खनालले बताउनुभयो ।