पालुङटार गोर्खा
अभिभावक बिहिन अभिभावक बिहिन बालबालिकालाई शैक्षिक सामग्री वितरण सुरु गरिएको छ। नगर उप प्रमुख सँग अभिभावक विहिन अति विपन्न विद्यार्थी शैक्षिक सहायता कार्यक्रम अन्तरगत २०८१-०५-२७ गते वडा नंम्बर १ को अन्नपूर्ण माध्यामिक विद्यालय र वडा नंम्बर २ को जनता माध्यामिक विद्यालयमा शैक्षिक सामग्री वितरण गरिएको हो ।
२०८१-०५-२७ बाट सुरु भएको कार्यक्रम अन्तर्गत वडा नंम्बर १ को अन्नपूर्ण माध्यामिक विद्यालयमा १४ जना र वडा नंम्बर २ को जनता माध्यामिक विद्यालयमा ८ जना विद्यार्थीहरुलाई शैक्षिक सामग्री बितरण गरिएको छ । पालुङटार नगरपालिकाकी उप प्रमुख बन्दना पाण्डेको संयोजकत्वमा शैक्षिक सामग्री वितरण गरिएको हो । उक्त कार्यक्रममा बोल्दै उप प्रमुख पाण्डेले अभिभावक बिहिन भएर जीवन जोखिममा रहेका सम्पुर्ण बालबालिकाको अभिभाकत्व नगरपालिकाले ग्रहण गर्ने बताउनु भयो । अभिभावक बिहिन असाहाय बालबालिकाहरुको शैक्षिक भविष्यको सुनिश्चितता गर्ने र आर्थिक अवस्था कमजोर भएकै कारण शिक्षाबाट बञ्चित हुनुपर्ने बाध्यताको अन्त्य गर्ने प्रतिबद्धता व्यक्त गर्दै उप प्रमुख पाण्डेले आगामि दिनहरुमा समेत यस कार्यक्रमलाई निरन्तरता दिदैं जाने बताउनु भयो । कार्यक्रमलाई थप प्रभावकारि बनाउदैं लाने र दायरा अझै फराकिलो बनाउदै लैजाने पनि उप प्रमुख पाण्डेले बताउनु भयो ।
कार्यक्रममा बालबालिकाहरुलाई कापि, कलम, जोमेट्रिबक्स, कलरबक्स, झोला, विद्यालय पोशाक, जुत्ता, मोजा र स्वेटर वितरण गरिएको शिक्षा युवा तथा खेलकुद शाखाका स्रोत शिक्षक सन्तोष पाण्डेले बताउनु भयो । स्रोत शिक्षक पाण्डेका अनुसार नगरपालिका भित्रका ८० जना अभिभावक विहिन बालबालिकालाई शैक्षिक सामग्री वितरण गर्ने लक्ष्य रहेको बताउनु भयो । बालबालिकालाई शैक्षिक सत्र भरिको आवश्यकता पूरा हुने गरि शैक्षिक सामग्रि वितरण गरिएको पनि पाण्डेले बताउनु भयो ।
अभिभावक विहिन बालबालिकालाई शैक्षिक सामग्री वितरण कार्यक्रमका लागि नगरपालिकाले ८ लाख वजेट बिनियोजन गरेको छ ।
