सिन्धुपाल्चोक , १० असार २०८१ । अबिरल वर्षाका कारण सिन्धुपाल्चोकको मेलम्ची नदीमा बाढी आएपछि पुल बगाएको छ। बाढीले मेलम्ची नगरपालिका–११, मा रहेको अस्थायी पुल बगाएको मेलम्ची नगरपालिकाका प्रमुख आइतमान तामाङले जानकारी दिए ।
तीन वर्ष अघि बाढीले पुल बगाएपछि त्यहाँ ह्युमपाइप राखेर अस्थायी पुल बनाइएको थियो । पुल बगाएपछि मानिस आवतजावतमा समस्या भएको छ । पुल बगाउँदा वडाभित्र नै एक गाउँबाट अर्को गाउँ जान असहज भएको छ । रातिको वर्षाले पुलमा क्षति पुगेको जनाउँदै प्रमुख तामाङले ह्युमपाइप झिकेर पुन सुरक्षित पुल राखिने बताए ।
मेलम्ची बजार र नगरपालिकाका वडा नम्बर–७ र ८ तथा पाँचपोखरी थाङपाल गाउँपालिकाका वडा नम्बर–१ र २ र हेलम्बुको केही वडालाई सो अस्थायी पुलले जोडेको थियो ।
Facebook Comments Box
