दाङ, २ असार ।
गढवा गाउपालिका वडा नं. ६ को आयोजनामा दलित नागरिक क्षमता अभिबृद्धि तथा कानुनी सचेतना बिषयक दुर्इ दिने अभिमुखीकरण कार्यक्रम शनिवार गढवामा सम्पन्न भएको छ ।
गढवा गाउपालिका वडा नं. ६ का दलित महिला सदस्य मोतिसरा बिकको अध्यक्षता तथा ढवा गाउपाकिका वडा नं ६ का अध्यक्ष बिरबहादुर आले मगरको प्रमुख आथित्यमा शुरु भएको समापन कार्यकममा बोल्ने बक्ताले दलित नागरिकको लागि राज्यले गरेको ब्यबस्था,अधिकार,र सुबिधाको बारेमा जानकारी गरेर सचेत गराउने तालिमको मुख्य उद्देश्य रहेको बताएका थिए ।
कार्यक्रममा बोल्दै प्रमुख अथिति तथा वडा नं. ६ का अध्यक्ष बिरबहादुर आलेले यो तालिमले धेरै बिसय बस्तुमा जो कानुनी रुपमा कार्यन्वयन गर्न आवश्यक रहेको भन्दै उनले प्रशिक्षकले धेरै कुरा सिकाएको बताए । त्यसैगरी वडा सदस्य दिनमणि आचार्यले तालिमको बिषयवस्तु बस्तु निकै महत्वपूर्ण भएको बताउँदै आगामी दिनमा थप कार्यक्रमहरु गर्ने प्रतिबद्धता ब्यक्त गरेका थिए ।
कार्यक्रममा प्रशिक्षक तथा अधिबक्ता किरण पौडेल,समाजसेवी बिष्णु सुनार,सहायक प्रशिक्षक दुःखहरण यादव,पटवारी यादव लगायतको सहभागिता रहेको थियो । सहभगिकातर्फबाट पुनम बिक, रुपा सुनारले तालिमको बारेमा बिचार राखेका थिए । दुई दिनसम्म चलेको समापन कार्यक्रमको सन्चालन वडा सचिव रामनरेश यादवले गरेका थिए ।
