कार्तिक ३, तनहुँ सत्रसय / रबिन्द्र अधिकारी
तनहुँको आँबुखैरेनी गाउँपालिका वडा नं. १ सत्रसयफाँटमा रहेको मित्रता बचत तथा ऋण सहकारी संस्थाको १३ औं साधारण सभा शनिबार सम्पन्न भएको छ ।
संस्थाका अध्यक्ष रामचन्द्र कँडेलको अध्यक्षतामा भएको कार्यक्रममा प्रमुख अतिथि आँबुखैरेनी गाउँपालिकाकी उपाध्यक्ष दुर्गा अर्यालले सहकारीले विशेष गरी किसान र साना ब्यापारीहरुलाई आर्थिक कारोबारमा सहयोग पुग्नुका साथै महिला र बालबालिकाहरुलाई बचत गर्ने बानीको बिकासमा सहयोग पुग्ने गरेको बताउनुभयो । कार्यक्रममा आँबुखैरेनी गाउँपालिका वडा नं. १ का अध्यक्ष प्रेमबहादुर थापा, बन्दिपुर ५ का अध्यक्ष धु्रबप्रसाद लामिछान, पालुङटार ८ का पूर्व वडा अध्यक्ष शंकर कँडेल, आँबुखैरेनी ३ का वडा सदस्य मनोज श्रेष्ठ लगाएतले शुभकामना मन्तब्य राख्नु भएको थियो ।
सँस्थाकी ब्यवस्थापक रचना थापाले स्वागत गर्नु भएको कार्यक्रममा कोषध्यक्ष ऋषिराम अधिकारीले आर्थिक प्रतिबेदन प्रस्तुत गर्नु भएको संस्थाका सचीब पदमराज अधिकारीले जानकारी दिनुभयो ।
कार्यक्रममा स्थानीय बयोवृद्ध सरस्वती पण्डितलाई सम्मान गरिएको थियो भने शेयर धनीका तर्फबाट जेष्ठ सदस्य लिलामाया लम्साल र मोतराज कँडेललाई पनि सम्मान गरिएको थियो । त्यसैगरी असल बचत कर्ता र असल ऋणीहरुलाई पनि पुरस्कार प्रदान गरिएको थियो । संस्थाले मित्रता माविको २०७८÷ ०७९ को एसईई मा उत्कृष्ट अंक हासिल गर्ने सम्रक अधिकारी, अमृत अर्याल र धनु गुरुङ र सँस्थाको कार्य सम्पादनमा उत्कृष्ठ कार्य गर्ने मेलिना वि.क.लाई जनही ५ हजारका दरले पुरस्कार प्रदान गरिएको जनाएको छ ।
