श्रावण १८ , भानु / डिपि अधिकारी
तनहुँ जिल्लाको सर्बाधिक पुरस्कार राशीको १७ औं भानु कप फूटबल प्रतियोगिता भोलि शनिबारबाट शुरु हुँदैछ । खेल संयोजक बिष्णु अधिकारीका अनुसार ९० प्रतिशत भन्दा बढी तयारी पुरा भएको छ । खेलको तयारी बारे जानकारी लिन भानु नगरपालिकाका प्रमुख आनन्दराज त्रिपाठीले खेल मैदानको निरीक्षण समेत गर्नु भएको छ । सो अवशरमा उहाँले भानुभक्त आचार्यको जन्मस्थल भानु नगरपालिकामा खेलको आयोजना गरिएको हुँदा नगरपालिकाकै गौरबको विषय भएको र नगरपालिकाको प्रतिष्ठा समेत जोडिएकाले सवैले आ आफ्नो ठाउँबाट सहयोग गर्न आग्रह गर्दै खेलाडि, दर्शक र पाहुनाहरुलाई सहज रुपमा खेल हेर्न ब्यवस्था गर्नका लागि आयोजकलाई निर्देशन दिनुुभएको छ ।
भानु नगरपालिका १ भन्सार स्थित खेलमैदानमा प्रतियोगिता भोलिबाट शुरु हुने खेलको गण्डकी प्रदेशका जलश्रोत तथा सिँचाई मन्त्री फडिन्द्र देवकोटाले दिउँसो १ बजे उद्घाटन गर्ने कार्यक्रम तय भएको प्रचार प्रसार समितिका संयोजक सुभास सापकोटाले जानकारी दिनुभयो । उद्घाटन खेल साबिक विजेता सेभेन स्टार युवा क्लब भानु १ साजबोटे र योङ्ग ब्वाईज एफसी चितवन बीच खेल हुने उहाँले जानकारी दिनुभयो । नाईन ए साईडको फूटबल प्रतियोगिता १९ साउनदेखी सुरु भै २६ गते समापन हुने छ । भानुलाई रास्टिय रुपमा चिनाउने उदेश्यले प्रतियोगिता गरिएको खेल संयोजक भरत बानियाँले जानकारी दिनुभयो । भानुकप २०५९ साल देखि शुरु भएको भएपनि कोभिडका कारण केही समय रोकिएको थियो । अहिले अवस्था सहज भएपछि प्रतियोगितालाई निरन्तरता दिइएको भन्सार युवा क्लबका अध्यक्ष अर्जुन कुमार श्रेष्ठले बताउनुभयो ।
खुल्ला नकआउट फुटबल प्रतियोगिता भएकाले विभिन्न ठाउँबाट २४ वटा टिमबाट खेलाडीले सहभागिता जनाउने खेलाडीलाई आकर्षण गर्न प्रत्येक बर्ष पुरस्कारको राशी पनि वृद्धि गराउदै गैरहेको आर्थिक संयोजक सोम तामाङले जानकारी दिए ।
भन्सार युवा परिवार,सालबिस्ने र भिमसेन युवा क्लबको संयुक्त आयोजनामा फुटबल प्रतियोगिता हुन लागेको हो । प्रतियोगितामा प्रथम हुने टिमले २ लाख ५० हजार २११ रुपैयाँ नगद सहित मेडल,ट्रफी र प्रमाणपत्र प्राप्त गर्नेछन् । त्यस्तै दित्तिय हुनेले एक लाख २५ हजर २११ रुपैयाँ सहित मेडल, ट्रफी र प्रमाणपत्र प्राप्त गर्नेछ । सेमीफाईनलमा पुग्ने २ टिमलाइ २५ हजार २ सय ११ र प्रमाणपत्र , उत्कृष्ट खेलाडीलाई नगद रु ५ हजार २११ ट्रफी,मेडल, प्रमाणपत्र , उत्कृष्ट गोल रक्षकलाई नगद रु ५ हजार २ सय ११ ट्रफी,मेडल,प्रमाणपत्र , सर्बाधिक गोलकर्तालाई नगद ५ हजार २ सय ११ र ट्रफी,मेडल,प्रमाणपत्र प्रदान गरिने प्रचार प्रसार समितिका राजेश कार्कीले जानकारी दिनुभयो । उहाँका अनुसार अनुशासित टिमलाई उचित पुरस्कार साथै प्रत्येक खेलमा म्यान अफ दि म्याचको घोषणा गरिने छ । प्रतियोगितामा २४ टिमको सहभागिता रहेको छ ।
त्यसैगरी छेलो तर्फ प्रथम पुरस्कार ६ हजार २ सय ११ र प्रमाणपत्र र बाघचाल तर्फ प्रथम पुरस्कार ६ हजार २ सय ११ , प्रमाणपत्र प्रदान गरिने आयोजकले जनाएको छ ।
