गाेरखा, भाद्र २०
पालुङ्टार नगरपालिका वडा नं. ८ स्थित अकला मा.वि.को पक्की आठकोठे भवनको आज एक कार्यक्रमका बीच शिलान्यास गरिएको छ । वडा नं. ८ का वडाध्यक्ष शंकरराज कंडेलको अध्यक्षतामा सम्पन्न शिलान्यास कार्यक्रमका विद्यालयकी छात्रा कञ्चन अधिकारीले स्वागत मन्तव्य राख्नुभएको थियो ।
जापानी राजदुतावासद्धारा सहयोग प्राप्त सो ८ कोठे भवनको शिलान्यास पूर्व प्रधानमन्त्री डा. बाबुराम भट्टराई, जापानी राजदूत माचामिची साइगो र पालुङ्टार नगरपालिकाका प्रमुख इ. दिपकबाबु कंडेल ले संयुक्त रुपमा गरेका थिए । 
कार्यक्रममा बोल्दै प्रदेश सभासद हरिशरण आचार्य र नगरप्रमुख दिपकबाबु कंडेल ले विद्यालय भवन निर्माणमा जापानी दुतावासले गरेको सहयोगको कदर गर्दै खुसीसमेत व्यक्त गरेका थिए ।
राजदूल मासामिची साइगोले विनासकारी भूकम्पबाट नेपालमा पर्न गएको विपदप्रति आफू चिन्तित भएको र आफूले भवन निर्माणमा सहयोग गर्ने अवसर पाएकोमा खुसी व्यक्त गर्दै यस्ता सहयोगले जापान र नेपालबीचको सम्बन्ध अझ मजवुद हुनेमा आफू विश्वस्त रहेको बताए ।
कार्यक्रममा बोल्दै प्रमुख अतिथि रहेका पूर्व प्रधानमन्त्री डा. बाबुराम भट्टराईले आफू यस ठाउँमा जनयुद्धदेखि नै चिरपरिचित भएकोले यस क्षेत्रका समस्याहरुप्रति ज्ञात भएको बताए ।
शिक्षकहरु काजीराम परियार र प्रकाश सिलवालले सञ्चालन गरको कार्यक्रममा विद्यार्थीहरुले आफ्नो प्रतिभा समेत प्रस्तुत गरेका थिए भने वडाध्यक्ष शंकरराज कंडेलले जापानी दुतावासको सहयोग गरेर निर्माण हुन लागेको भवन निर्धारित समयमै निर्माण कार्य सम्पन्न हुनेमा कुनै दुविधा नहुने बताए ।
यसअघि विद्यालयले सो भवन निर्माणको लागी कुनै सम्झौताविना नै एक ठेकेदारलाई २० लाख रुपैयाँ दिएपछि राजनितिक बृत्तमा समेत जाेडेर चर्चामा ल्याइएकाे थियो ।
पछि सो व्यक्तिले रकम फिर्ता गरेपछि पुन ः भवन निर्माण कार्य अघि बढाइएको हो ।
