अमिताभ बच्चनले शहीद परिवार र किसानको ऋण मिनाहाका लागि गरे ४ करोड रुपैयाँ दान

बलिउडका महानायक अमिताभ बच्चनले चर्चित टेलिभिजन शो ‘कौन बनेगा करोडपति’ को  १०औं सिजनको पत्रकार सम्मेलनमा शहीद परिवारलाई एक करोड भारतीय रुपैयाँ अर्थात एक करोड ६० लाख नेपाली रुपैयाँ दान गर्ने बताएका छन् ।

७५ वर्षीय अभिनेताले आफूले शहीद परिवारका लागि केही गर्न चाहिरहेको  र त्यसका लागि यसै हप्ताको सोमबार उनलाई सरकारका तर्फबाट ४४ शहीद परिवारको सूची प्राप्त भएको थियो । ती शहीद परिवारको हेरचाहका लागि अमिताभले १ करोड ६० लाख रुपैयाँ वितरण गरिसकेको बताएका छन ।

बच्चनले भारतीय किसानहरुले ऋणले थिचिएर गर्ने आत्महत्याले आफू निकै दुखी भएको बताए । त्यसैले किसानहरुको सहायतास्वरुप उनीहरुको ऋण मिनाहका लागि डेढ करोड भारतीय रुपैयाँ अर्थात २ करोड ४० लाख नेपाली रुपैयाँ दान समेत गर्ने बताएका छन ।

बलिउड फिल्म उद्योगका महानायक अमिताभ बच्चनले शहीद परिवार तथा किसानहरुको सहयोगका लागि ४ करोड रुपैयाँ दान गरेर आफू फिल्मका मात्रै नभै वास्तविक जीवनमा पनि महानायक भएको कुरा सावित गरिदिएका छन् ।

अमिताभ बच्चनले केही दिनअघि केरलका बाढीपीडितका लागि ५१ लाख भारतीय रुपैयाँ सहयोग गरेका थिए ।

Back to top button