छोरी र बुहारीले काँध हाले, जेठी बुहारी शाेभाले दिइन दागवत्ती

रविन्द्र कंडेल, गाेरखा
हिन्दू धार्मिक संस्कारमा छोराले मात्र मरेपछि पानी दिनुपर्छ, छोरी बुहारीले दागबत्ती दिनुहुँदैन भन्ने रुढिबादी परम्परालाई गोरखाको पालुङ्टार नगरपालिका नगरपालिका वडा नं. ८ का गीता र शोभाले तोडेका छन् । हिन्दू परम्पराअनुसार छोरा र छोरी समान हुन भन्ने भनाइलाई उनीहरुले व्यवहारमा उतारेर देखाएका छन् ।

आज करीब ४ बजेतिर धुवाँकोट गाैलीटारका करीब ७७ बर्षीय हिमलाल पन्थको निधन भयो । पन्थ विगत केही वर्षअघिदेखि प्रेशर, सुगर र किडनीको समस्याबाट थलिएका थिए । २ छोरा र ३ छोरीका बाबु पन्थको निधनपछि छोराहरु घरमा नभएको अवस्थामा कसले काँध हाल्ने कसले दागबत्ती दिने भन्ने बहस हुनुभन्दा पहिले नै छोरीहरु गीता उप्रेती र ज्ञानी ढकालले काँध हाले । अन्त्येष्टिस्थलमा पुगेपछि जेठी बुहारी शोभा पन्थले दागबत्ती दिइन् । जेठो छोरा प्रकाश पन्थ केही बर्षअघिदेखि घरको सम्पर्कमा नरहेको र कान्छो छोरा प्रदिप पन्थ पनि रोजगारीको सिलसिलामा कतारमा रहेका छन् ।प्रदीप घर फर्कनको लागी २ दिन अघि नै टिकट काटेर तयारी अवस्थामा रहेपनि त्यहाँको प्रावधानका कारण आफू भोली मात्र आइपुग्ने बताए ।

हिन्दू संस्कारमा छोराले मात्र दागवत्ती दिनुपर्छ भन्नेहरुलाई गतिलो झापड प्रहार गरी देखाएकी छन बुहारी शोभाले । नारी पुरुष समान, छोराछोरी बराबर भन्ने कुरालाई नारामा मात्र होइन व्यवहारमा पनि उतारेर देखाउनुपर्छ भन्ने भावनाका साथ आफूले दागवत्ती दिएको बताउँछिन शोभा । महिलाहरूले देखाएकाे यस्ताे शाहस प्रति अाफूले उच्च रूपमा लिएकाे वडा नं. ८ का वडाध्यक्ष शंकरराज कंडेलले बताउनुभयाे । साथै यसले चेतना बढाउने समेत बताउनुभयाे ।  यसरी सवै क्षेत्रबाट उदाहरणीय रुपमा अघि बढेमा बल्ल नारी पुरुष समान, छोराछोरी बराबर भन्ने नाराले सार्थकता पाउला ।

Leave a Reply

Your email address will not be published. Required fields are marked *

Back to top button
Close
Close

Adblock Detected

Please consider supporting us by disabling your ad blocker