तनहुँको नयाँपुलबाट गोरखा जोडने पक्की पुलको निर्माण कार्य सम्पन्न आवत जावत तथा सामान ढुवानी सहज

तनहुँको नयाँपुलबट गोरखाको पालुङटार च्याङली जोडने पक्की पुलबाट आजदेखि ठूला सवारी साधनहरु गुडन पाउने भएका छन । २०७२ सालदेखी निर्माण शुरु भएको सो पुलको निर्माणसम्वन्धी सम्पूर्ण काम सकिएपछि आज विहान पुलनिर्माण कम्पनी सपना कन्स्ट्रक्सनका इन्जिनियर विसर्जन वर्तौला र कामधेनु गाइ फार्मका सञ्चालक राजीवराज पन्तले संयुक्त रुपमा पूजापाठ गरी सवारी साधनहरु आवतजावत गर्न खुल्ला गरिएको छ । नेपाल सरकारको कूल १४ करोड ९५ लाख लागतमा निर्मित सो पुलबाट ठूला सवारी साधनहरु आवतजावत गर्ने भएसंगै पालुङ्टार नगरपालिका वडा नं. ७ च्याङ्लीसहित धुवाँकोट, गाइखुर, मिरकोट लगायतका क्षेत्रहरुमा विकासको बाटो खुल्ला भएको स्थानीयहरु बताउँछन् । पुल निर्माणको लागी सपना निर्माण सेवाले २०६९ साल असार २८ गते सम्झौता गरेको थियो भने स्थानीय रुपमा विवाद आएपछि काम रोकिएको थियो । पछि २०७२ जेठ ३० गतेबाट काम शुरु गरी निर्धारित समय अर्थात २०७५ असार मसान्त मै काम सकिएको निर्माण कम्पनीका इन्जिनियर बर्तौलाले बताउनुभयो । ६०मिटर स्टिल ट्रस र ४० मिटर आ.सि.सी. गरी बनाइएको यस कम्पोजिट व्रिजको क्षमता २ सय पचास टन रहेको समेत इन्जिनियर बर्तौलाले बताउनुभयो । सडक डिभिजन कार्यालय दमौलीको ठेक्कामा पुल निर्माण सम्पन्न भएको हो ।

Back to top button