सरकारी कर्मचारी तीन मिनेट अघि खाजा खान निस्किएपछि सार्वजनिक माफी

जापानको पश्चिमी शहर कोबे स्थित जल विभागमा काम गर्ने एक सरकारी कर्मचारीले खाजा खाने समय भन्दा तीन मिनेट अघि आफ्नो कक्ष छाडेर हिँडेको तथ्य फेला परेपछि उक्त कार्यालयका प्रमुख सहित जिम्मेवार अधिकारीहरुले सार्वजनिक रुपमा माफी मागेका छन् । सो कार्यालयमा कार्यरत ६४ बर्षिय कर्मचारीले पछिल्लो सात महिनामा २६ पटक लञ्च समय भन्दा ३ मिनेट अगाडी नै आफ्नो डेक्स छाडेको घटनामा दोषी पाइएपछि यसबाट सेवाग्राही तथा सरकारी काममा परेको असरको लागि क्षमा मागेका हुन् ।

दिउँसोको खाजा समय १ बजे सुरु हुने भएपनि उनले १२ बजेर ५७ मिनेटमै आफ्नो कक्ष छाडे तथ्य फेला परेको थियो । सात महिनासम्म उनी गयल भएको समय जोडेर एक दिनमा पाउने तलबको आधा बराबरको तलब कटौती गरिएको समेत पत्रकार सम्मेलनमा जानकारी गराइएको थियो ।

Back to top button