पुस 16 गते
पालुङटार नगरपालिका नगरशिक्षा कार्यालयको आयोजनामा नगरपालिकाभित्र सञ्चालन भएका इसिडि कक्षामा अध्यापन रत शिक्षिकाहरु का लागि पाँचदिने सामग्री निर्माण तथा व्यवस्थापन तालिम सम्पन्न भएको छ ।
साना बालबालिकाहरुका लागि खेलको विधिबाट कक्षामा पढाइ सञ्चालन गर्नको लागि उपयोगी हुने भएका कारण यस्तो तालिम सञ्चालन गरिएको जनाइएको छ समापन समारोहमा बोल्दै प्रमुख अतिथि पालुङटार नगरपालिकाका नगरप्रमुख विवश चिन्तनले तालिममा सिकेका कुरालाई कक्षाकोठामा व्यवहारिक रुपमा उतार्न निर्देशनसमेत दिनुभएको थियो ।
तालिमको समापन समारोहमा नगर उपप्रमुख बन्दना पान्डे नगरशिक्षा शाखाका प्रमुख माधव पोख्रेल लगायतको उपस्थिति रहेको थियो । पालुङ्गटार नगरपालिकाको भवानी माध्यमिक विद्यालयमा सञ्चालन भएको पाँचदिने कार्यशालामा साङगो लामा र विमला श्रेष्ठले सहजीकरण गर्नुभएको थियो । बालबालिकाहरूका लागि खेलको माध्यमबाट र कक्षा कोठामै खेल corner बनाएर खेलका स्थानीय सामग्रीहरूको प्रयोग गरेर शैक्षिक सामग्री निर्माण गरी सहजै रूपमा कक्षाकोठामा बालबालिकाहरूलाई सहभागी गराउन सकिने र यसबाट उनीहरूको सर्वाङ्गीण विकासमा समेत सहयोग पुग्ने भएका कारणले गर्दा यो तालिम उपयोगी भएको तालिममा सहभागी एक शिक्षिका सम्झना माझीले बताउनुभयो ।
