कार्यमूलक अनुसन्धान लेखन सम्बन्धी २ दिने कार्यशाला सम्पन्न भएको छ । नेपाल शिक्षक महासँघ पालुङटार नगर समितिको आयोजनामा पालुङटार नगरपालिका वडा न ४ स्थित अमर ज्याेति मा वि मा सञ्चालन भएको कार्यशालाको समापन समारोहमा प्रमुख अतिथिको रुपमा बोल्दै पालुङटार नगरपालिकाका नगर प्रमुख बिबश चिन्तन अजय ले शिक्षकहरूले अाफ्नाे जिम्मेवारी बहन गर्न नसकेकाे र धेरै तालिम लिएता पनि तालिममा सिकेका कुरालाइ व्यवहारमा उतार्न प्रयास नगरेकाे प्रति गुनासाे गर्नुभएकाे थियाे । साेही अवसरमा बाेल्दै उहाँले शिक्षकहरूले शैक्षिक गुणस्तर सुधारका लागि प्रतिवद्दता सहित कार्ययाेजना ल्याएमा जति पनि लगानी गर्न अाफू तयार रहेकाे समेत बताउनुभएकाे थियाे ।
श्रावण २१ र २२ गते सञ्चालन भएको कार्यशालामा प्रशिक्षक लक्ष्मणबाबु अाचार्यले कार्यमूलक अनुसन्धानको महत्व तथा प्रयोग र यसबाट शिक्षक तथा शैक्षिक क्षेत्रमा हुने फाइदाका बारेमा सहजीकरण गर्नुभएको थियो । साथै अाधारभूत तहका बिद्यार्थीहरूकाे मूल्याँकन प्रक्रियाका बारेमा समेत उहाँले सहजीकरण गर्नुभएकाे थियाे ।
कार्यशालामा वडा नं. १ देखि ५ सम्मका विभिन्न विद्यालयका २९ जना शिक्षकहरुको सहभागिता रहेको थियो ।
शिक्षकहरुको पेशागत छाता सँगठनको रुपमा रहेको महासँघले स्थापनाकालदेखि हरेक बर्ष शिक्षकहरुको पेशागत बिकाससँग सम्बन्धित बिभिन्न प्रकारका तालिम तथा कार्यक्रमहरु सञ्चालन गर्दै आइरहेको छ ।
शिक्षक महासँघ पालुङटारका अध्यक्ष चेतनाथ पन्तकाे को अध्यक्षतामा सम्पन्न समापन समारोहमा सहभागीका तर्फबाट एलिसा खनाल र प्रेम काेइराला, अमर ज्याेति मा वि का प्रधानाध्यापक माधव राज देवकाेटा, साेही बिद्यालयका शिक्षक साेमप्रसाद मुडबरी, प्रशिक्षक लक्ष्मण बाबु अाचार्य लगायतकाले मन्तव्य राखेका थिए । २१ गतेकाे उदघाटन समाराेहमा भने शिक्षा शाखा पालुङटारकी शिक्षा शाखा अधिकृत करूणा पनेरू प्रमुख अतिथिकाे रूपमा रहनुभएकाे थियाे ।
महासँघले सोही प्रकारको कार्यशाला रजगरे माध्यमिक विद्यालयमा पनि सञ्चालन गरेको थियाे ।
