गोरखा,१९ असार :
स्वास्थ्य कार्यालयको आयोजनामा गोरखामा सर्ने रोग र नसर्ने रोगका बिषयमा आज पत्रकारहरु संगको छलफल तथा अन्तरक्रिया कार्यक्रम आज सम्पन्न भएको छ । कार्यक्रममा गएको केही बर्षदेखि जिल्ला नसर्ने डेंगु, स्क्रब टाइफस तथा कालाजार रोग भेटिएकाले यसबाट जोगिन सर्तकर्ता अपाउनुपर्नेमा जोड दिइएको छ । कार्यक्रममा कार्यालयका जनस्वास्थ्य निरीक्षक नवराज खड्काले जिल्लामा गतबर्ष २४ जना र यो जिल्लामा २ जनामा डेंगु रोगका बिरामी फेला परेको बताउनुभयो ।
नेपालका सन् २००४ मा फेला परेको डेगुरोग एडिज नामक लामखुट्टेको टोकाईबाट सर्दछ । छालामा बिमिरा देखिनु वा अत्याधिक ज्वरो आउनु डेँगुरोगको लक्षण हुनसक्ने भएकाले तत्काल स्वास्थ्य परीक्षण गर्नुपर्ने जनस्वास्थ्य निरीक्षक खड्काले बताउनुभयो । त्यस्तै गएको बर्ष गोरखामा १ जना र यो बर्ष २ जनामा स्क्रब टाईफस संक्रमित भेटिएको उहाँको भनाई छ ।
शहीद लखन गाउँपालिकामा भेटिएको यो रोग किर्नाको टोकाईबाट सर्ने जनस्वास्थ्य निरीक्षक खड्काले जानकारी दिनुभयो । त्यस्तै कालाजार रोग पनि गोरखा भेटिएको उहाँको भनाई छ । भुसुनाको टोकाईबाट सर्ने यो रोग तराईका जिल्लाहरुमा बढी देखिने भएपनि गोरखामा समेत संक्रमित भेटिएको कार्यालयको भनाई छ । गोरखा जिल्लामा अहिलेसम्म १ जनामा कालाजारका संक्रमित भेटिएको उहाँले जानकारी दिनुभयो । भुसुनाले टोकेको २ देखि ६ महिनासम्ममा यो रोगको लक्षणदेखिने गरेको खड्काले बताउनुभयो ।
छलफल कार्यक्रममा स्वास्थ्य कार्यालय गोरखाका निमित्त कार्यालय प्रमुख नरजंग ठकुरीले पछिल्लो समय महामारीको रुपमा देखिएका यस्ता खालका रोगहरुबाट जोगिन व्यक्ति आफै जागरक हुनुपर्नेमा जोडदिनुभयो । उहाँले यस्ता खालका रोगको लक्षण देखिएमा तत्काल स्वास्थ्य संस्थामा परीक्षणका लागी पुग्नु बताउनुभयो । ठुकरीले ढिला सुस्ती र हेलचक्राईले मानिसको ज्यान समेत जान सक्ने भएकाले यि रोगसंग मिल्दाजुल्दा लक्षण देखिने बित्तिकै स्वास्थ्य जाँच गराउन आग्रह गर्नुभयो ।
