असार १९, गाेरखा ।
गाेरखाकाे पालुङटार नगरपालिकामा शिक्षकहरूका लागि ७ दिने डिजिटल लिटरेसी तालिमकाे शुरू भएकाे छ ।
गण्डकी प्रदेश अन्तर्गत शिक्षा तालिम केन्द्र दमाैलीकाे अायाेजनामा पालुङटार नगरपालिका वडा नं. ७ स्थित जीवन ज्याेति माध्यमिक बिद्यालयमा सिकाइ सहजीकरणमा सूचना तथा सञ्चार प्रविधीकाे प्रयाेगसम्बन्धी कस्टमाइज्ड तालिमकाे शुरूवात गरिएकाे छ । तालिम केन्द्रका प्रमुख नेपाल हरि रानाभाटकाे सभापतित्वमा तालिमकाे उद्घाटन समाराेह सम्पन्न भएकाे थियाे । तालिम उदघाटन समाराेहमा बाेल्दै तालिम केन्द्रका प्रमुख रानाभाटले तालिम केन्द्रमा मात्र केन्द्रित गर्दा धेरै भन्दा धेरै शिक्षकहरू समेटन नसकिरहेकाे सन्दर्भमा स्थानीय निकायहरूसँगकाे समन्वयमा सञ्चालन गर्न पाउँदा खुशी लागेकाे बताउनुभयाे ।
शिक्षकमा हुनुपर्ने सक्षमता मध्येकाे एक सक्षमताभित्र पर्ने प्रविधीसम्बन्धी तालिमले शिक्षकहरूमा सकारात्मक प्रभाव पर्ने बताउनुभयाे । साे तालिममा पालुङटार नगरपालिका शिक्षा शाखाका अधिकृत माधव पाेखरेलले शिक्षा तालिम केन्द्रले तालिम प्रदान गरेकाे प्रति अाभार व्यक्त गर्नुभएकाे थियाे । साेही क्रममा बाेल्दै सिकेका कुराहरूलाइ कक्षाकाेठासम्म पुर्याउनुपर्नेमा जाेड दिनुभएकाे थियाे ।
जीवन ज्याेति माध्यमिक बिद्यालयका प्रधानाध्यापक बद्री बहादुर पाण्डेले स्वागत गर्नुभएकाे थियाे । कार्यक्रमकाे सञ्चालन शिक्षक एवं च्याङली सामुदायिक सिकाइ केन्द्रका अध्यक्ष रविन्द्र कंडेलले गर्नुभएकाे थियाे ।
तालिम केन्द्रकाे अायाेजना सञ्चालित साे कार्यक्रमकाे संयाेजन पालुङटार नगरपालिकाले गरेकाे छ भने व्यवस्थापन च्याङली सामुदायिक सिकाइ केन्द्रले गरेकाे छ ।
२५ गतेसम्म सञ्चालन हुने साे कार्यक्रममा पालुङटार नगरपालिकाभित्रका बिभिन्न बिद्यालयका २८ जना अाधारभूत तथा माध्यमिक तहका शिक्षकहरूकाे सहभागिता रहेकाे छ । 
१९ गते शिक्षकहरूका लागि गुगल क्लासरूमकाे महत्व दर्शाउँदै यसकाे प्रयाेगविधी का बारेमा प्रयाेगात्मक रूपमा प्रशिक्षक किर्तिराज ढकालले सहजीकरण गर्नुभएकाे थियाे । तालिम अवधीभरमा वर्ड, एक्सेल, पावरपाेइन्ट, इमेल इन्टरनेट तथा शिक्षकहरूका लागि उपयाेगी वेभसाइटहरूकाे बारेमा सहजीकरण गरिने तालिम केन्द्रले जनाएकाे छ ।
