कोभिड १९ को बढ्दो संक्रमणका कारण गत बैशाख १६ गतेदेखि बन्द रहेकाे मनकामना केबलकार अागामी भाद्र २० गते अाइतबारदेखि सञ्चालनमा अाउने भएकाे छ ।
कोभिड १९ को बढ्दो संक्रमणका कारण बन्द केबलकार संक्रमण घटेसँगै संचालन गर्ने निर्णय गरिएको मनकामना दर्शन प्रालीका नायब प्रबन्धक उज्वल शेरचनले बताए ।
५ महिनाकाे अवधिभर बन्द रहँदा १० करोड रुपैयाँ भन्दाबढि घाटा लागेको कम्पनिले जनाएको छ । ‘कोभिडको पहिलो लहरका बेला पनि नौ महिना केबलकार बन्द गर्नुपरेका कारण कराेडाैं घाटा व्यहाेर्नुपरेकाे परेकाे नायब प्रबन्धक शेरचनले भने ।
मनकामना क्षेत्रका स्थानीयको आउजाउको सहज माध्यम केबलकार हो । अहिले वर्षातले कच्ची सडक बिग्रिएको र आउजाउ गर्न मुस्किल भएको भन्दै स्थानीयले केबलकार संचालन गर्न कम्पनिलाई दवाव दिईरहेका छन ।
कम्पनिका अनुसार बैशाखदेखि असारसम्म केबलकारमा भक्तजन धेरै आउँथे । अहिले पनि दैनिक एकहजार मानिस केबलकार चढ्न आउने सिजन हो । केबलकारमा मात्रै एकसय ५० जना कर्मचारीले रोजगारी पाएका छन् ।
मनकामना मन्दिरमा दर्शन गर्न जाने भक्तजन र स्थानीयले केबलकार प्रयोग गर्छन । पृथ्वीराजमार्गको कुरिनटार र गोरखाको मनकामना जोड्ने केबलकार २०५५ मंसिरबाट संचालनमा आएको हो ।
