साउन २६, गाेरखा
गाेरखाकाे पालुङ्टार नगरपालिका वडा नंं ७ च्याङलीमा रहेका काेराेना संक्रमितहरूलाइ अायुर्वेदिक अाैषधी बितरण गरिएकाे छ ।
बिपदका समयमा जाेसुकैले पनि सहयाेग गर्नुपर्ने बताउँदै अाफ्नाे नगरपालिकाभित्र अाएर सहयाेग गरेकाेमा खुशी व्यक्त गर्दै प्रमुख अतिथि पालुङटार नगरपालिकाका नगरप्रमुख दिपकबाबु कंडेलले अागामी दिनहरूमा पनि यस्ता सहयाेगीहरूलाइ स्वागत गर्ने बताउनुभयाे । साे अवसरमा बाेल्दै नगरप्रमुख कंडेलले यस्ताे खालकाे सहयाेग जुटाएकाेमा च्याङली सामुदायिक सिकाइलाइ धन्यवाद समेत दिनुभएकाे थियाे भने सहयाेग गर्ने नेचर केयर हाेम प्रा.लि. र संगमाे अायुर्वेद फर्मा प्रति बिशेष अाभार समेत व्यक्त गर्नुभएकाे थियाे ।
संक्रमितहरूलाइ बितरित अाैषधी नेचर केयर हाेम प्रा.लि.अायुर्वेद हस्पिटल पाेखराले उपलब्ध गराएकाे थियाे । काेभिड महामारीकाे समयमा सेवा गर्न पाउनु नै साैभाग्य ठान्नुपर्ने बिचार व्यक्त गर्दै नेचर केयरका अध्यक्ष के.बि. थापाले अायुर्वेद अाैषधीकाे महत्वका बारेमा चर्चा गर्नुभएकाे थियाे ।
आयुर्वेद औषधिमा तुलसी मिश्रण , गुडुची यष्ठिमधु त्रिकटु मिश्रण र गिलोय प्लस ट्यावलेट रहेको थियो । त्यससँगे सिटामाेल, मास्क तथा साबुन समेत संक्रमितलाइ प्रदान गरिएकाे थियाे । नेपाल सरकार , स्वास्थ मन्त्रालय , आयुर्वेद तथा बैकल्पिक चिकित्सा विभागको कोभिड – १९ को प्रोटोकल अनुसार नेचर केयर होम प्रा. लि. का आयुर्वेद चिकित्सक डा. शेर ब. थापा ज्यूको सिफारिसमा गुडुची यष्ठिमधु त्रिकटु लाइ खल मिश्रण गरि तयार पारिएको जानकारी नेचर केयर होमका संचालक कृष्ण राउत ले गराउनु हुँदै आयुर्वेद चिकित्सा पद्धति विश्वकै पहिलो एबम मौलिक चिकित्सा भएकोले अहिलेको विषम परिस्थितिमा पनि आयुर्वेद को प्रयोग न्यून हुनु दु:खद भएकोले स्थानीय , प्रदेश र संघीय सरकार को यसमा छिट्टै ध्यान जानुपर्नेमा जाेड दिनुभएकाे थियाे ।
वडाभित्र काेराेना संक्रमितकाे संख्या अनपेक्षित रूपमा बढेसँगे संक्रमितहरूकाे छिटाे स्वास्थ्य लाभकाे लागि च्याङ्ली सामुदायिक सिकाइ केन्द्र ले वडाभित्र अाैषधी बितरण गरिएकाे केन्द्रका अध्यक्ष रबिन्द्र कंडेलले बताउनुभयाे । अति द्रुत गतिमा समन्वय गरी कार्यक्रम सफल बनाउन सहयाेग गर्नुभएकाेमा अाेशाे ध्यान केन्द्र च्याङली तथा संगमाे अायुर्वेद फर्मा डुम्रेका सञ्चालक सुवास थापा प्रति बिशेष अाभार व्यक्त गर्नुभएकाे थियाे ।
वडा नं. ७ काे कार्यालयमा गरिएकाे हस्तान्तरण कार्यक्रममा सिकाइ केन्द्रका सदस्य इन्द्र काेइरालाले स्वागत गर्नुभएकाे थियाे भने केन्द्रकी परिचालिका राममाया अालेले सञ्चालन गर्नुभएकाे थियाे ।
१०० जनालाइ पुग्ने अायुर्वेदिक अाैषधीहरू नेचर केयर हाेम प्रा.लि. ले उपलब्ध गराएकाे थियाे भने च्याङली स्वास्थ्य चाैकीका इन्चार्ज भरतराज पाण्डेले ५०० थान मास्क उपलब्ध गराउनुभएकाे थियाे ।
हस्तान्तरणलगत्तै संक्रमितहरूकाे घर घरमा पुगेर संक्रमितहरूलाइ सामग्री प्रदान गरिएकाे थियाे । बाँकीलाइ भाेलि बितरण गरिने सिकाइ केन्द्रका सदस्य गणेशलाल श्रेष्ठले जानकारी दिनुभएकाे छ ।
सिकाइ केन्द्रले वडाभित्र स्थापनाकाल देखि नै शिक्षा,स्वास्थ्य,राेजगार तथा सिपमूलक र राेजगारमूलक क्षेत्रमा अावश्यक सहयाेग तथा समन्वय र बिभिन्न कार्यक्रमहरू गर्दै अाइरहेकाे छ ।
Photos:
