कम्युनिष्टलाई भोट दिनेहरु पछुताई रहेका छन्–के.स. भण्डारी

अमरराज नहर्की

नेपाली काँग्रेसका केन्द्रीइ सदस्य तथा पूर्व मन्त्री शंकर भण्डारीले कम्युनिष्टका कारण देश बर्बादीमा धकेलिएको बताएका छन् । सो कुरा भण्डारीले भानु नगरपालिकोको नयाँबस्तीमा पाटी प्रवेश कार्यक्रमका बताएका हुन् । मुलुक र जनताको हितमा भन्दा व्यक्तिगत स्वार्थमा लागेकोले कम्युनिष्ट सरकार प्रति जनता आजित भएको भण्डारीको भनाई थियो । युवा तरुणहरुलाई कम्युनिष्टको भ्रममा नपर्न पनि उनले आग्रह गरेका थिए । प्रधानमन्त्रीले केपी ओलीले भष्ट्राचरसँग जोडिएका मन्त्रीलाई संरक्षण गरेकाले मत दिएका जनता पछुताईरहेको बताएका थिए । गोकुल बास्कोटा प्रति इंकित गर्दै भष्ट्रचार काण्डका कारण मन्त्रीले राजिनामा दिनु पर्ने अबस्था आउनु दुःखत भएको उनको धारणा राखेका थिए ।

भानु नगरपालिका–१ नयाँबस्ती,गन्धर्वटोल २५ जना आईतबार नेपाली काँग्रेसमा प्रवेश गरेका छन् । यि प्रवेश गरेसँगै नयाँबस्ती नेकपा मुक्त बनेको पार्टी प्रवेश कार्यक्रममा जानकारी दिईयो । भानु नगरपालिका –१ कै साखेटारमा २६ जना, भन्सार १४ जना र बाँकी वडा नम्बर ३ का गरी ८० जना भन्दा बढी नेकपा परित्याग गरेर नेपाली काँग्रेसमा प्रवेश गरेका हुन् । वडा नम्बर १ का नेकपाका वडा कमिटी सदस्य तुलबहादुर गुरुङ सहितको टोली नेपाली काँग्रेसमा प्रवेश गरेको हो । गन्धर्व सास्कृति समाजका अध्यक्ष एकबहादुर गन्र्धवको अध्यक्षतामा कार्यक्रम भएको थियो । कार्यक्रममा नेका महासमितिका सदस्य रामचन्द्र अधिकारी, आनन्दराज त्रिपाठी, महाधिवेशन प्रतिनिधी समुन्द्र गोदार, पूर्व महाधिवेशन प्रतिनिधी धुव्र प्रधान, जिल्ला सदस्य उत्तम लोहनी, लगायतले बोलेका थिए । कार्यक्रममा तरुणहरुको बाक्लो उपस्थिती रहेको थियो । नव प्रवेशीलाई माला र खादा लगायर के.स. भण्डारीले स्वागत गरेका थिए । यसैबीच भण्डारी स्वर्गिय सुर्यबहादुर ठकुरीको १३ औं पुण्यतिथीमा पुगेर श्रद्धाञ्जली व्यक्त गरेका थिए ।

Back to top button