गोरखा संसार
६ असोज, तनहुँ ।
गोरखाको पालुङ्टार नगरपालिका वडा नं. ६ मा घरदैलो सचेतना कार्यक्रम सञ्चालन गरिएको छ । नगरपालिका वडा नं. ६ का वडाध्यक्ष गोविन्द बराकोटीको पहलमा स्थानीयहरुको सहयोगमा वडाभित्रका पसल सञ्चालकहरुका लागि कोभिडबाट बच्न र बचाउनका लागि आवश्यक पर्ने सावधानीसहित पसलहरु सञ्चालन गर्न प्रोत्साहन गर्ने उदेश्यका साथ अभियान चलाइएको वडाध्यक्ष बराकोटीले बताउनुभयो ।
कोभिड १९ का कारण देशमा संक्रमितको संख्या बढ्दै गएको र देशमा लकडाउन खुला गरेको समयमा संक्रमणको जोखिम न्यूनिकरण गर्न सहयोग पुर्याउने उदेश्यका साथ वडाध्यक्ष बराकोटी सहित स्थानीय क्लबका प्रतिनिधीहरु, अस्थायी प्रहरी पोष्ट पौवाटारका प्रहरी प्रतिनिधी सहितको टोली हरेक टोल टोलका पसलहरुमा पुगेर पसलमा पसले तथा ग्राहकका बीच सामाजिक दुरी कायम गर्ने तरीका, पसलमा मास्क तथा स्यानिटाइजरको प्रयोग गर्ने लगायतका बिषयमा जानकारी गराइएको स्थानीय राजेश काफ्लेले जानकारी गराउनुभयो ।
कार्यक्रममा प्रगतिशिल युवा क्लबले समेत सहयोग गरेको थियो ।
प्रथम पूर्णे पिपल कप फुटबल प्रतियोगिताको उपाधि खत्रीटारलाई
गोर्खाको भलुङ्टार नगरपालिका वडा नम्बर ७ च्याङ्लीमा अवस्थित पुर्णे पिपल युवा क्लबद्वारा आयोजित प्रथम पूर्णे पिपल कप फुटबल प्रतियोगिताको उपाधि खत्रीटार युवा क्लबले हात पारेको