Trending

अांबुखैरेनीमा १२ बेडकाे अाईसाेलेसन कक्ष निर्माण

आँबुखैरेनी, २० भदौं
स्थानीय स्तरमा कोरोना भाइरसको संक्रमण बढ्दै गएपछि तनहुँको आँबुखैरेनी गाउँपालिकाले १२ बेडको आइसोलेशन कक्ष तयार गरेको छ । आँबुखैरेनी गाउँपालिका वडा नं ३ शिवालय मन्दिर नजिक रहेको भवनमा गाउँपालिकाले प्रत्येक ४ वटा कोठामा ३/३ जनाका दरले राख्ने गरी १२ बेडको आइसोलेसन कक्ष तयार गरेको हो ।
विश्वभर दु्रतगतीमा फैलिएको कोरोना भाईरस (कोभिड–१९) को संक्रमण स्थानीय स्तरमा समेत दिनानुदिन बढ्दै गएको र आँबुखैरेनीबासीहरुलाई कोरोना संक्रमण देखिए अन्यत्रको आईसोलेशनमा नपठाई आफ्नै क्षेत्रको आईसोलेशन कक्षमा तुरुन्तै लैजान र संक्रमितले उपचार समेत छिटै प्राप्त गर्ने भएकोले आईसोलेशन कक्ष तयार गरिएको गाउँपालिका अध्यक्ष गिर बहादुर थापाले जानकारी दिनुभयो ।
कोरोना संक्रमितलाई सहज, प्राकृतिक र पारिवारिक वातारण महशुस गराउन मानिसको चहलपहल कम हुने मस्र्याङ्दी नदी किनारमा रहेको शिवालय मन्दिर नजिक आइसोलेशन कक्ष तयार गरिएको थापाले बताउनुभयो ।

Back to top button