हेटौंडा : बागमती प्रदेशमा हालसम्म कोरोना संक्रमितको संख्या ९० जना पुगेको छ । आज सिन्धुपाल्चोकको मेलम्ची रिजनल क्वारेन्टीनमा रहेका २० बर्षिय युवकमा कोरोना संक्रमण पुष्टी भएसंगै संक्रमितको संख्या ९० पुगेको हो । जसमध्ये ३१ जना निको भएर घर फर्किएका छन भने ३ जनाले कोरोनाका कारण ज्यान गुमाइसकेका छन । मृत्यु हुनेमा सिन्धुपाल्चोककी एक सुत्केरी महिला, ललितपुरका एक पुरुष र दोलखाका ७६ बर्षिय पुरुष रहेको सामाजिक बिकास मन्त्रालयले जनाएको छ ।
बागमती प्रदेशका १३ जिल्लामध्ये १२ जिल्लामा संक्रमण फैलदा रसुवा जिल्लामा भने हालसम्म कुनै संक्रमित भेटिएको छैन । संक्रमित हुनेमा काठमान्डौका २७, रामेछापमा १९, चितवन, भक्तपुर, काभ्रे र मकवानपुरमा समान ६/६ जना, धादिङमा ५, सिन्धुलीमा ४, ललितपुर, सिन्धुपाल्चोक र नुवाकोटमा समान ३/३ जना, र नुवाकोटमा २ जना रहेका छन ।
यस्तै आज हेटौंडा स्थित प्रादेशिक प्रयोगशालामा ९ वटा स्वाबको नमुना पिसीआर परिक्षण गरिएको छ । हेटौंडाको आइसोलेसन वार्डबाट आएको ८ वटा नमुना र जनकपुरबाट आएको एउटा नमुनाको परिक्षण गरिएकोमा सबैको रिपोर्ट नेगेटिभ आएको सामाजिक बिकास मन्त्रालयका कोभिड १९ प्रवक्ता डाक्टर पुरुषोत्तम सेढाईले जानकारी दिनुभयो । उहाका अनुसार आज नै २१५ जनाको आरडिटी टेष्ट गरिएको छ । जस्मा चितवनका १२ र नुवाकोटका ७ जना गरी १७ जनाको आरडिटी रिपोर्ट पोजिटिभ देखिएको छ ।
