गाेरखा संसार
१८ वैशाख, गोरखा ।
पालुङटार नगरपालिका–७ च्याङली स्थित कामधेनु गाईपालन केन्द्रमा अाफैले घाँस उत्पादन गरेकाले लकडाउनमा पनि खासै समस्या भएकाे छैन । तथापी दाना ल्याउन र पैसा पठाउन भने केही समस्या भएकाे छ । 
लकडाउनका कारण देशैभरका कृषकहरू समस्यामा परेका र कतिले पशुपालन व्यवसाय नै छाडन पर्ने अवस्था सम्म पुगेका बेला कामधेनु गाइ पालन केन्द्रमा भने बैैंक मार्फत पैसा पठाउनकाे लागि समयमा बैंक नखुल्ने र पैसा पठाएकाे एक सातापछि मात्र दाना अाउने हुँदा केही सामान्य समस्या मात्र भएकाे सञ्चालक राजेन्द्रराज पन्तले बताउनुभएकाे छ ।
उक्त गाईफार्ममा अहिले २ सय २० वटा गाई छन् । जसमध्ये १ सय १० वटाले दुध दिन्छन् ।
‘लकडाउनले गर्दा चाहिएजति दाना चोकर अनि पराल ल्याउन पाएको छैन, त्यही खुवाउन नसकेर दिनको चार सय लिटर दुध घाटा भइरहेको छ,’ उहाँले बताउनुभयाे । 
नारायणगढ, वीरगञ्ज, काठमाडौंलगायतका ठाउँबाट दाना ल्याउनुपर्ने भएकाले समस्या भएको उनले बताए । दानाका लागि अग्रिम भुक्तानी गर्नुपर्ने कारण थप समस्या भएको उहाँकाे भनाइ छ ।
‘पैसा नदिएसम्म दाना पठाउँदैन, पैसा पठाएको एक हप्तापछि बल्ल दाना आउँछ, तर अहिले लकडाउनले बैकसम्म पुग्न पनि समस्या, फेरि बैकहरु सधैं खुल्दैनन्,’ उहाँले बताउनुभयाे ।
घाँस उत्पादन आफैले गरेकाले खासै समस्या नभएको उहाँकाे भनाइ छ । उनले करिव २ सय ४० रोपनी क्षेत्रफलमा विभिन्न जातका घाँस लगाएका छन् । लकडाउनको समयमा यही घाँसको भरमा गाई पालिएको छ ।
उहाँकाे फार्ममा उत्पादित दुध भक्तपुरको खरिपाटीको डेरीमा जाने र अाफ्नै तीन हजार लिटर क्षमताको दुध चिस्यान केन्द्र पनि छ , त्यसकारण बिक्रीकाे लागि पनि समस्या नभएकाे उहँाकाे भनाइ रहेकाे छ । लकडाउन पछि नजिकैकेा डुम्रे बजारमा अन्यत्रबाट दुध अाउन छाडेपछि दैनिक १ सय ५० लिटर दुध डुम्रे बजारमा समेत दिइएकाे राजीवराज पन्तले बताउनुभयाे ।
गाईपालन गरेर देशभरकै सर्वाेत्कृष्ट किसान बन्नुभएका पन्तले २०५२ सालदेखि गाईपाल्दै आउनुभएकाे हाे । तीन सय रोपनी क्षेत्रफलमा फैलिएको उक्त केन्द्रमा २० जनाले काम गर्छन् ।
