Trending

प्रधानमन्त्री शिन्जो आबेले गरे जापानभर आपतकालको घोषणा

सन्तोष बस्नेत (टोकियो)

प्रधानमन्त्री शिन्जो आबेले जापानभर संकटकालको घोषणा गरेका छन् ।कोरोना भाइरसको बढ्दो संक्रमणलाई नियन्त्रणमा लिन जापानभरका ४७ ओटै प्रिफेक्चरमा संकटकाल लागू हुने विहिबार आयोजित पत्रकार सम्मेलनमा उनले बताए ।

टोकियो, चिबा, साइतामा, खानागावा, ओसाका, ह्योगो, फुकुओका, आईची तथा होक्काईदोमा जस्तै अन्यत्र पनि संक्रमितहरुकोसंख्या बढ्दै जाँदा ४७ वटै प्रान्तहरुमा आपतकाल घोषणा गरि प्रभावकारी नियन्त्रण गर्न आवश्यक रहेकाले सरकारले यस्तो निर्णय गरेको हो ।आपत्काल तत्काललाई मे महिनाको ६ तारिखसम्मको लागि रहने बताईएको छ ।कोरोना भाइरसको बढ्दो संक्रमणलाई नियन्त्रणमा लिन र थप नफैलियोस भनेर सजगता अपनाउन सहज होस भन्ने हेतुले संकटकाल घोषणा गरिएको उनले उल्लेख गरे ।

४७ ओटा प्रिफेक्चरमा संकटकाल घोषणा भएसंगै प्रत्येक व्यक्तिलाई १० मान येन १ लाख जापानी येन नगद दिइने समेत उनले घोषणा गरेका छन् । केही दिनमै संसदमा पेश गर्न लागिएको बजेटमार्फत सो रकम दिने तयारी गरिने सरकारी श्रोतलाई उधृत गर्दै माइनिची सिन्बुनले आफ्नो अनलाइन संस्करणमा खबर लेखेको छ ।प्रधानमन्त्रीले बिहिबार साँझ विज्ञ तथा सल्लाकारहरुसंग संकटकालको घोषणा गर्ने–नगर्नेबारे छलफल गरेका थिए । मानिसहरुको आवतजावत घटाउन संकटकाल प्रभावकारीहुनेमा विज्ञहरुले जोड दिएका थिए ।

बिहिबार जापान भरमा एकैदिन ५ सय ७० जनामा कोरोना भाईरसको नयाँ संक्रमण पुष्टि भएको छ । यो संगैजापानभित्रै संक्रमितहरुको संख्या ९ हजार २ सय ९२ जना पुगेको छ । डायमण्ड क्रुजका संक्रमितहरुको संख्या पनि जोड्दाजापानमा संक्रमितको संख्या १० हजार ४ जना पुगेको छ ।

 

Leave a Reply

Your email address will not be published. Required fields are marked *

Back to top button
Close

Adblock Detected

Please consider supporting us by disabling your ad blocker