गोरखा संसार
बैशाख ४, गोरखा
गोरखाको पालुङ्टार नगरपालिकामा विदेशबाट आएर बसेकाहरुको को RDT कोरोना परीक्षण गर्दा एक केन्द्रमा परीक्षण गरिएका १७ जनाका नतीजा नेगेटिभ देखिएको छ भने अर्को एक केन्द्रमा गरिएको २७ जनाको नतीजा भोलि आउनेछ ।
नगरपालिकाले गत चैत्र १ गतेदेखि विभिन्न मुुलुकबाट आई घरमै होम क्वारेन्टाइनमा बसेकाहरुको सूची तयार गरी नगरपालिका भित्र २ केन्द्रमा विभाजन गरी परीक्षण गरेको थियो ।
बिश्वमा महामारीको रुपमा फैलिएको कोरोना भाइरस कोभिड(१९ RDT कीट टेस्ट परिक्षण पालुङटार नगरपालिका स्थित खत्रीटार शहरी स्वास्थ केन्द्र पा न पा -७, र बर्थिङ सेन्टर पा न पा-५, ठाटीपोखरिमा आज गरिएको थियो । नगरपालिकाभित्र विदेशबाट आएकाहरुमा कोरोना हुनसक्ने र त्यसबाट सर्वसाधारण समेत त्रसित हुने हुँदा परीक्षण गरिएको नगरपालिकाका नगरप्रमुख इ. दिपक बाबु कंडेलले बताउनुभयो । खत्रीटार शहरी स्वास्थ्य केन्द्रमा १७ जनाको र बर्थिङ सेन्टर ठाँटीपोखरीमा २३ जना गरी कूल ४० जनाको परिक्षण सम्पन्न गरिएको नगर स्वास्थ्य शाखाका प्रमुख उदय बहादुर अधिकारीले जानकारी दिनुभयो ।
उहाँका अनुसार हालसम्म विदेशबाट आएकाहरुको कोरोना परीक्षण गर्दा नेगेटिभ आएपछि अब पालुङ्टार बासी त्रसित हुनुनपर्ने बताउनुभयो । यसका साथै अब लकडाउनलाई पूर्ण रुपमा पालना गरी बाहिरबाट आउने मानिसहरुलाई कडाई गरेमा सुरक्षित रहन सकिने बताउनुभयो ।
कोरानाका कारण विश्व त्रसित भएपछि गण्डकी प्रदेश सरकारले सबै जिल्लास्थित स्वास्थ्य कार्यालयलाई परीक्षण किट प्रदान गरेको थियो । नगरपालिकाले कोही कसैलाई समस्या आएमा वा होम क्वारेन्टाइनमा बस्न समस्या हुने भएमा नगरपालिकाका विभिन्न स्थानहरुमा मापदण्ड अनुसारको क्वारेन्टाइन समेत निर्माण गरेको छ ।