गोरखा संसार
चैत्र १४, गोरखा ।
विश्वमा आतंकको रुपमा फैलिरहेको कोरोनाको नियन्त्रणका लागी सरकारले देशभर गरेको लक डाउनको अवस्थामा संक्रमित व्यक्ति भेटिएमा वा शंकास्पद बिरामीहरु भएमा आइसोलेसनमा राख्नको लागी पालुङ्टार नगरपालिकामा आइसोलेसन वार्ड स्थापना गरिएको छ । कोरोनाको शंका भएदेखि तत्कालै आँपपिपल अस्पतालमा आइसोलेसन वार्ड स्थापना गरिएको थियो ।
त्यस्तै गरी पछिल्लो समयमा देशमा कोरोनाको संक्रमण देखिएपछि नगरपालिकाले वडा नं. ५ को धर्मावती प्राथमिक विद्यालयमा थप आइसोलेसनको रुपमा प्रयोग गर्नको लागी तयार गरिएको नगरपालिकाले जनाएको छ । आवश्यक परेको खण्डमा अन्य विद्यालयहरुमा पनि आइसोलेसन स्थापना गर्ने तयारी गरेको नगरप्रमुख दिपक बाबु कंडेलले बताउनुभयो । नगरपालिकाले केही समस्या आएमा तत्काल सम्पर्क गर्नको लागी सम्पर्क नम्बरहरु समेत सार्वजनिक गरेको छ । यस अवधिभरमा बिदेशबाट आएकाहरुका लागी घरमै कसैसंग सम्पर्कमा नरही आइसोलेसनमा बस्न समेत आग्रह गरेको छ ।
वडा नं. १ मा ३ जना भारत र १ जना दुवइ बाट गरी ४ जना आएका वडाध्यक्ष कृष्ण बहादुर परियारले बताउनुभयो ।
वडाध्यक्ष परियार घरदैलोमा हिडदै गरेको र सचेत गराउँदै गाउँ गाउँ पुगेको बताउनुभएको छ । त्यस्तै अन्य वडाका वडाध्यक्षहरुले समेत घरदैलो तथा सचेतना अभियान सञ्चालन गरिरहेका छन् । वडा नं. २ मा भने १ जना भारतबाट आएको र विपन्न परिवार समेत भएकाले वडा कार्यालयको तर्फबाट खाद्यान्न उपलब्ध गराएर घरमै क्वारेन्टाइनमा बस्न सुझाव दिएको वडाध्यक्ष लोकनाथ वाग्लेले बताउनुभयो । वडा नं. ४ मा ७ दिन अघि भारतबाट १ जना आएको बताएका छन् । वडा नं. ५ मा यस अवधिमा विदेशबाट आएका छैनन । वडा नं. ६ मा ७ दिनअघि कतारबाट १ जनामात्र आएका छन भने वडा नं. ७ मा मलेसियाबाट १ जना, वडा नं. ८ मा ३ जना भारत र १ जना दुवईबाट गरी ४ जना र वडा नं. १० मा भारतबाट १ जना आएको जानकारी प्राप्त भएको छ ।
