जन्मदिनको खर्च कटाई गरिव तथा जेहेन्दार विधार्थीलाई प्रदान

गोरखा पालुङटार
भाद्र, २९

गोरखाको पालुङटार नगरपालिकाका कम्पुटर सहायक अवि गुरुङले आफ्नो जन्मदिनमा फजुल खर्च कटाएर एक विद्यार्थी अध्ययनको लागि मद्धत गर्नु भएको छ । उहाँको यस कार्यको सबैले प्रशंसा गरेका छन् । मेलापात गरि जीवन यापन गुजारा गरि रहेका स्थायी घर पूर्वी रुकुम राङसी निवासी पर्मिला बुढा मगरका छोरा उज्ज्वल बुढामगरलाइ नगद तीन हजार ५ सय तथा शैक्षिक सामग्री कापी तथा कलम सहयोग गर्नु भएको हो । बुढामगर पालुङटार नगरपालिका–६कमलाट स्थित रजगरे माध्यामिक बिद्यालयमा कक्षा ५ मा अध्ययन अध्ययन गर्नु हुन्छ । सहयोग सामग्रीको सो विद्यालयको नव निर्मित भवनको हस्तान्तरण कार्यक्रममा पालुङटार नगरपालिकाका मेयर ई. दीपक बाबु कंडेलले प्रदान गर्नु भएको छ । ठेकेदारी काम गर्ने उज्वलका बुवा कामकै सिलसिलामा तनहुको भानु न.पा भन्सारमा दिनभर कामगरि बेलुकी खाना खाने समयमा अकस्मात बिरामी भइ हस्पिटल लैजाने क्रममा बाटैमा मृतुवरण गर्नुभएको रहेछ । टुहुरो अनि आर्थिक अवस्था कमजोर भएकोले जन्मदिनको फजुल खर्च कटाएर सहयोग गरेको कर्मचारी गुरुङ बताउनुहुन्छ । सानै छदा बुबा गुमाएका उज्वल आमाले जसोतसो मेलापात गरि स्कुल पठाउने गर्नु भएको जनाईएको छ । पालुङटार नगरपालिकामा मेयर दीपकबाबु कँडेलले जन्मदिनमा गरिने फजुल खर्च कटाएर शैक्षिक सामग्री सहयोग गर्नु उदाहरणीय कार्य भएको बताउनुभयो । कर्मचारी गुरुङ पालुङटार नगरपालिका–६ निवासी हुनुहुन्छ ।

Back to top button