च्याङ्लीमा शिवरात्री मेला २०७५ को तयारी तीब्र, १८ र १९ गते भलिबल प्रतियोगिता हुने

रविन्द्र कंडेल
पालुङटार नगरपालिका वडा नं. ७ च्याङलीको पुरानो ऐतिहासिक मन्दिर मंगलेश्वर महादेव मन्दिरमा हुने शिवरात्री मेलाको तयारी तीव्र पारिएको छ । मन्दिर वरपर सरसफाइ तथा ग्राउण्ड मरमत कार्य गरिसकिएको छ ।
कार्यक्रमलाई गतवर्षहरुमा भन्दा व्यवस्थित गर्ने तरिकाले कार्यक्रमको तयारी गरिएको वडा नं. ७ का वडाध्यक्ष वसन्त कुमार श्रेष्ठले बताउनुभयो । विस्तारै हराउँदै गएको हाम्रो संस्कृति संरक्षणमा सवैले एकाकार भएर लाग्नुपर्ने उहाँले बताउनुभयो ।
मन्दिर पुन निर्माणको कार्य भइरहेको हुँदा दर्शनार्थीहरुलाई केही कठिनाइ हुनसक्ने हुँदा सो को व्यवस्थापनका लागी समेत ध्यान पुर्याएको मन्दिर व्यवस्थापन समितिका अध्यक्ष रामकृष्ण भण्डारीले बताउनुभयो ।
आगामी फागुन २० गते शिवरात्रीका दिन बिशेष शिवरात्री मेला को अवसरमा विविध कार्यक्रम गरिने जनाइएको छ । शिवरात्रीको पूर्व सन्ध्या पारी फागुन १८ र १९ गते सञ्चालन गरिने भलिबल प्रतियोगितामा नगरपालिका भित्रका मात्र टिमहरुको सहभागी गराइने छ । प्रतियोगितामा सहभागी भई प्रथम हुने टिमलाई नगद रु. १०,००० र प्रमाण पत्र एवं दाश्रो हुनेलाई नगद रु.५,००० र प्रमाण पत्र प्रदान गरिने संयोजक श्रेष्ठले बताउनुभयो । खेलमा सहभागी समूहसंग इन्ट्री शुल्क बापत रु.१००० लिने आयोजकले जनाएको छ । २० गते हुने नृत्य प्रतियोगितामा प्रथम हुनेलाई नगद रु.३००० र प्रमाण पत्र द्धितीय हुनेलाई नगद रु.२००० र प्रमाण पत्र साथै तृतीय हुनेलाई नगद रु.१००० र प्रमाण पत्र प्रदान गरिनेछ ।
नेपालको धार्मिक इतिहास बोकेको मन्दिरहरु मध्ये च्याङली स्थित खोलाघाटमा रहेको सो मन्दिरको प्रचार प्रसार एवं संरक्षणको लागी कार्यक्रम गर्न लागिएको हो । हरेक वर्ष जस्तै यस वर्ष पनि सो स्थानमा विविध साँस्कृतिक कार्यक्रमहरुसहित मेला आयोजना गर्न लागिएको मेला आयोजक समितिका अध्यक्ष रामकृष्ण भण्डारीले बताउनुभयो । अध्यक्ष भण्डारीका अनुसार मन्दिर जीर्णोद्धारका काम पनि भइरहेको हुँदा यस वर्ष अलिक कठिनाइ भएपनि आगामी वर्षदेखि यस स्थानको प्रचार प्रसारको लागी यस स्थानमा महोत्सव सञ्चालन गर्नुपर्ने बताउनुहुन्छ । उहाँका अनुसार यस स्थानको महत्व नेपालका विभिन्न स्थानहरुमा चिनाउनको लागी प्रचार प्रसार को अभाव भएको अध्यक्ष भण्डारी बताउनुहुन्छ ।
हाल मन्दिर जीर्ण बन्दै गएपछि नेपालकै ठूलो गाइ फार्म कामधेनु गाई फार्मका सञ्चालक राजेन्द्रराज पन्तले आफ्नै निजी लगानीमा मन्दिर पुननिर्माण गराइरहनुभएको छ ।
सो स्थानमा धेरै अघिसम्म ५, ६ दिनसम्म मेला लाग्ने र देशको राजनितीक परिवेश संगै सुस्ताउँदै गएकोमा स्थानीयहरु यसलाई पुरानै विरासतमा फर्काउनुपर्छ भन्नेमा लागी परेका छन् । त्यसको लागी आगामी वर्षदेखि शिवरात्री को अवसर पारेर शिवरात्री महोत्सव सञ्चालन गर्नुपर्ने स्थानीयहरु बताउँछन् ।
यस वर्ष भने मन्दिर निर्माण कार्य सञ्चालन भइरहेको हुँदा महोत्सवको रुपमा सञ्चालन गर्न गाह्रो भएकोले शिवरात्री विशेष कार्यक्रमलाई व्यवस्थित गरिने जनाइएको छ भने आगामी वर्षदेखि यस स्थानमा च्याङ्ली शिवरात्री महोत्सव सञ्चालन गर्ने योजना रहेको वडाध्यक्ष वसन्त कुमार श्रेष्ठले बताउनुभयो ।
कार्यक्रमको संयोजन गर्ने जिम्मा गोरखा संसार मिडिया प्रा.लि.लाई दिइएको छ । मिडियाका अनुसार शिवरात्रीको पूर्वसन्ध्याका अवसरमा फागुन १८ र १९ गते पालुङटार नगरपालिका भित्रका टिमहरुबीच भलिबल प्रतियोगिता सम्पन्न हुनेछ भने शिवरात्री का दिन फागुन २० गते विहान देखि भजन किर्तन, दिउँसो साँस्कृतिक कार्यक्रम सहित, नृत्य प्रतियोगिता, राष्टिय तथा स्थानीय कलाकारहरुको प्रस्तुति रहने र पुन रातभर विभिन्न स्थानहरुका भजन मण्डलीहरुद्धारा भजन किर्तन गरी राती बत्ती बाल्दै जाग्राम वस्नेहरुका लागी सहयोग गरिने छ । कार्यक्रमका लागी लाग्ने आवश्यक खर्चको लागी विभिन्न संघसंस्थाहरु संग समन्वय गरिरहेको मिडियाका सञ्चालक रविन्द्र कंडेलले बताउनुभयो । कंडेलका अनुसार यस वर्ष करीब १५ वटा स्टलहरु राखिनेछन । एक दिन मात्रै भएपनि केहि स्टलहरु राखिने जसमा स्थानीय स्तरका उत्पादनहरुलाई प्राथमिकता दिइनेछ भने अन्य व्यापारिक संघ संस्था तथा वित्तीय संघसंस्थाले पनि स्टल राख्न चाहेमा पाउनेछन् ।
कार्यक्रमको दौरानमा उठेको सहयोग बाट बचेको रकम मन्दिर व्यवस्थित गरी यसको प्रचार प्रसार एवं प्रवद्र्धनमा खर्च गरिनुका साथै अन्य सामाजिक क्षेत्रका विकासका कामका खर्च गरिने जनाइएको छ ।

Leave a Reply

Your email address will not be published. Required fields are marked *

Back to top button
Close
Close

Adblock Detected

Please consider supporting us by disabling your ad blocker