Trending

नागरिक समाज माथिको दमनले ओलीको निरंकुश चरित्र उदांगो

काठमाडौँ १२, माघ ।

नेपाल कम्युनिष्ट पार्टी नेकपाको प्रचण्ड–माधव नेपाल पक्षले बालुवाटारमा नागरिक आन्दोलनले गरेको मार्चपासको क्रममा भएको प्रहरी दमनले ओलीको निरंकुश चरित्र उदांगो भएको बताएका छन् । प्रचण्ड नेपाल पक्षका केन्द्रीय संघर्ष समितिका संयोजक नारायणकाजी श्रेष्ठले जारी गरेको विज्ञप्तिमा बालुवाटारमा नागरिक समाज माथि भएको प्रहरी हस्तक्षेपको घोर निन्दा र भत्र्सना समेत गरिएको छ ।

विज्ञप्तिमा संविधान र लोकतन्त्रको रक्षाका लागि संघर्षमा उत्रदा गरिएको दमनले सरकारको अलोकतान्त्रिक एवम् निरंकुश चरित्र देखाएको उल्लेख छ । यसबाट संघर्षको आवश्यकता र औचित्य थप बढेर गएको विज्ञप्तिमा उल्लेख गरिएको छ । प्रतिनिधि सभा विघटन गर्ने प्रधानमन्त्री केपी ओलीको कदमको विरोध गर्दै नागरिक अगुवा, कवि, कलाकार, लेखक लगायतका अभियन्ताहरु आज सोमवारको प्रदर्शनमा सहभागी थिए।

आजको प्रदर्शन कमलपोखरी बचाऊ अभियानका अभियन्ता र अन्य सहभागीहरु भेला भई कमलपोखरीको माटो निधारमा लगाएर संयुक्तरुपमा बालुवाटारतर्फ मार्च गरेका थिए। झडपमा केहि अभियन्ताहरु घाइते भएका छन्।

Leave a Reply

Your email address will not be published. Required fields are marked *

Back to top button
Close
Close

Adblock Detected

Please consider supporting us by disabling your ad blocker