Trending

मधु अधिकारीद्वारा जन्मदिनको अवसरमा विद्यार्थीलाई शैक्षिक सामाग्री प्रदान ।।

दमौली , ६ माघ । आँबुखैरेनी स्थायी घर भई हाल काठमाण्डौं बस्दै आएकी मधु अधिकारीले जन्मदिनका अवसरमा तीन जना विद्यार्थीलाई शैक्षिक सामाग्री प्रदान गरेकी छन् । अधिकारीले स्कुल अफ डेमोक्रेसी तनहुँ मार्फत शैक्षिक सामाग्री प्रदान गरेकी हुन् ।यसैबीच अधिकारीले उपलब्ध गराएको शैक्षिक सामाग्री र न्यानो कपडा स्कुल अफ डेमोक्रेसी तनहुँका अध्यक्ष डम्बर अधिकारीले मंगलबार हस्तान्तरण गरेका छन् । अध्यक्ष अधिकारीले व्यास नगरपालिका वडा नं १२ कमलबारी स्थित सिद्धेश्वरी माध्यमिक विद्यालयमा कक्षा ९ मा अध्ययनरत अर्जुन वि.क र कक्षा ८ मा अध्ययनरत अनिश वि.क.लाई हस्तान्तरण गरेका थिए । सो अवसरमा वि.क.दाजुभाई १० हजार बराबरको सामाग्री हस्तान्तरण गरिएको थियो । शैक्षिक सामाग्री हस्तान्तरण कार्यक्रममा विद्यालयका शिक्षक कृष्णचन्द्र पाण्डेको समेत उपस्थिती रहेको थियो । अधिकारीले जन्मदिनको अवसरमा पारेर भानु नगरपालिकाकी अस्मिता घर्तिको पठनपाठनलाई समेत ५ हजार बराबरको सहयोग गरेकी छन् । जन्मदिनमा गरिने फजुल खर्च कटाएर अभिभावक बिहिन बालबालिकालाई सहयोग गरेको अधिकारीले बताईन् । सहयोगदाता अधिकारी नेपाल तरुण दल आँबुखैरेनी गाउँ कार्य समितिका उपाध्यक्ष दीपेन्द्र अधिकारीकी धर्मपत्नी हुन् । अधिकारी परिवारले यस अघि पनि सामाजिक क्षेत्रमा सहयोग पुरयाउँदै आएको छ ।

Leave a Reply

Your email address will not be published. Required fields are marked *

Back to top button
Close
Close

Adblock Detected

Please consider supporting us by disabling your ad blocker