Trending

आईसोलेशन वार्डमा भर्ना भएका दुई बिरामीको निधन

नेपालगञ्ज ,

नेपालगञ्ज मेडिकल कलेज शिक्षण अस्पतालको आईसोलेशनमा भर्ना भएका दुई विरामीको उपचारको क्रममा निधन भएको छ । निधनभएका दुबै जना स्वासप्रश्वास तथा छाति सम्बन्धित समस्याले ग्रसित रहेको अस्पतालले जनाएको छ ।

स्वास्थ्य कार्यालय बाँकेका फोकलपर्शन नरेश्वर श्रेष्ठले दिएको जानकारी अनुसार शिक्षण अस्पताल नेपालगञ्जको आईसोलेशनको आईसियुमा उपचारको लागि भर्ना भएका बर्दिया बढैयाताल–३ का ४२ वर्षिय ईस्राईल बेहना र शिक्षण अस्पताल कोहलपुरमा कोहलपुर–५ चपरगौरीकी ३२ वर्षिया शान्ता शर्माको शनिबार बिहान उपचारको क्रममा निधनभएको हो ।

मृतक बेहना बैशाख ३ गते र शर्मा चैत्र ३० गते उपचारको लागि अस्पताल भर्ना भएका थिए । मृतक बेहना रुघाखोकी दमबाट ग्रसित रहेको र शर्मा न्यूमोनियाबाट ग्रसित रहेको स्वास्थ्य कार्यालय बाँकेले जनाएको छ ।

दुबैको कुनै पनि ट्राभल हिस्ट्री नभए पनि उनीहरुमा कोरोनाको संक्रमण भए नभएको जाँचको लागि स्वाव झिकेर बुटवल पठाईएको स्वास्थ्य कार्यालय बाँकेका फोकलपर्शन श्रेष्ठले बताए । उनले भने–‘ दुबै जना स्वास प्रस्वास सम्बन्धित समस्याको कारण ग्रसित भई उपचारको लागि अस्पताल भर्ना भएका थिए उनीहरुमा कोरोना संक्रमण भए नभएको पुष्टि गर्नको लागि स्वाव झिकेर परिक्षणको लागि पठाएका छौ ।’ यसअघि मृतक शर्माको गत बैशाख ३ गते गरिएको स्वाव परिक्षणमा नेगेटिभ नतिजा आएको थियो ।

यसैगरी भारतबाट आएका दाङ्गका ३७ वर्षिय गुमानसिंह अधिकारीकोे पनि शिक्षण अस्पताल कोहलपुरमा उपचारको क्रममा निधनभएको छ । उनी दाङ्गको क्वारेन्टाईनमा रहेको बेला आफ्नै श्रीमतीसगको झ’गडामा श्रीमतिले प्र’हार गरेको दाउराले लागेर ग’म्भीर घाइते अवस्थामा कोहलपुर ल्याईएको थियो । उनको उपचारको क्रममा निधनभएपछि भारतबाट आई क्वारेन्टाईनमा बसेको कारण स्वाव परिक्षणको लागि नमुना पठाईएको फोकलपर्शन श्रेष्ठले बताए ।

स्वास्थ्य कार्यालय बाँकेका फोकलपर्शन श्रेष्ठले तीनै जनाको स्वाव झिकेर परिक्षणको लागि पठाईएको जानकारी दिए ।

राजधानी दैनिकमा यो खबर छ ।

Leave a Reply

Your email address will not be published. Required fields are marked *

Back to top button
Close
Close

Adblock Detected

Please consider supporting us by disabling your ad blocker