दशै सस्तो बजार एवं सडक मेला २०७५ ने क पा का अध्यक्ष दाहालले उदघाटन गर्ने

कैलासबावु श्रेष्ठ/गोरखा

असोज १९ गते । भोली देखी गोरखा बजारमा शुरु हुने दशै सस्तो बजार एवं सडक मेला २०७५ को सबै तयारी पुरा भएको छ ।

गोरखा चेम्बरको आयोजनामा हुन लागेको मेलाको तयारी पुरा भएको अध्यक्ष भाई श्रेष्ठले जानकारी दिएँ । श्रेष्ठका अनुसार ११ दिन सम्म चल्ने मेलामा ६० हजार मानिसहरुले अबलोकन गर्ने छ भने ६ करोड बरावरको आर्थिक कारोबार हुने अनुमान गरीएको छ ।

सदरमुकामको खेलकुद मैदानमा हुन लागेको मेलाको लागि आयोजकले १ सय ३० वटा स्टल तयार गरी सकेको गोरखा च्याम्बरका महासचिव रामस्वरुप श्रेष्ठले बताए । मेलामा बाल उद्यान र विभिन्न मनोरञ्जनात्म खेलहरुको स्टल समेत तयारी पुरा भएको छ ।

मेला जिल्लामा नै पहिलो पटक नबदुर्गाको मुर्ति स्थापना गरेर दैनिक भजन कृतनको समेत ब्यवस्था मिलाइएको छ । माटोको मुर्ति द्वारा तयार नबदुर्गा सर्व साधारणका लागि घटस्थापना देखी टिकाको दिन सम्म मेला भएको स्थानमा नै खुल्ला गरीने छ भने त्यस पछि भने कुनै स्थान बिशेषमा मुर्तिको स्थापना गरीने भएको छ ।

नेकपाका अध्यक्ष पुष्प कमल दाहालले उदघाटन गर्ने उत्त मेलामा च्याम्बरका केन्द्रिय अध्यक्षले समेत संबोधन गर्ने कार्यक्रम तय गरीएको छ । मेलाको लागि बजार दुलहीको घर झै सिंगारीएको छ । मेलामा उत्तरी गोरखाको मह, सिलाम, आलु, टिम्बुर, सिस्नुको धुलो लगाएत स्थानिय खाना तथा घरेलु र हस्तकलाका सामाग्रीहरु बिक्रीका लागि राखिने छ । त्यस बाहेक पनि नजिकिदै गरेको दशैंलाई मध्येनजर गर्दै दैनिक उपभोग्य सामाग्रीहरु समेत सस्तो दरमा बिक्रीका लागि स्टलहरु राखिएका छन ।

बंगलादेशबाट आयात गरीएका कपडा देखी औघोगिक उत्पादन र कृषि उत्पादनको समेत प्रर्दशन गरीने भएको छ ।

मेला असोज २० गते देखी ३० गते सम्म सञ्चालनमा आउने छ । मेलामा दैनिक राष्ट्रिय तथा स्थानिय कलाकारहरु द्वारा साँस्कृतीक कार्यक्रम र हाँस्य ब्यग्य कार्यक्रम राखीएको आयोजकले जानकारी दिएको छ ।

मेला अबलोकनका लागि आउनेलाई मेला स्थलमा निशुल्क प्रवेशको ब्यवस्था मिलाईएको छ ।

Leave a Reply

Your email address will not be published. Required fields are marked *

Back to top button
Close
Close

Adblock Detected

Please consider supporting us by disabling your ad blocker