उच्च तापक्रमका कारण जापानको जनजीबन प्रभावित आइतबारमात्रै २ जनाको ज्यान गयो

  1. उच्च तापक्रमका कारण जापानको जनजीबन प्रभावित आइतबारमात्रै २ जनाको ज्यान गयो।जापानको मौषम विभागका अधिकारीहरुले असामान्य संज्ञा दिएको अधिक तापमानका कारण आइतबार मात्रै जापानमा २ जनाको ज्यान गएको छ ।आईतबार तोकाई तथा कान्साई क्षेत्रमा ४० डिग्रि सेल्सियसको उच्च तापक्रम रहँदा नागोया र आईचीमा ३९ दशमलब ९ डिग्रिको तापमान रेकर्ड भएको छ । यसैगरि राजधानी टोकियोको तापक्रम पनि ३९ दशमलब ९ डिग्री सेल्सियस नै मापन भएको मौषम विभागले जनाएको छ ।

उच्च तापमानका कारण जापानको जनजीबन प्रभावित बनेको छ भने तरकारीजन्य उत्पादनमा आएको कमीका कारण तरकारीहरुको मूल्य बढेको छ । आज सोमबार पनि तापक्रम उच्च रहने भन्दै मौषम विभागका अधिकारीहरुले सचेत रहन आग्रह गरेका छन् । टोकियोबाट नजिकै पर्ने साइतामाको कुमागायामा जापानमा अहिलेसम्मकै उच्च तापक्रम ४१ दशमलब १ डिग्री सेल्सियस मापन भएको थियो ।

मौषम विभागका अधिकारीहरुले जापानको धेरैजसो भूभागमा फैलिएको उष्ण वायुको प्रभावबाट जोगिन स्थानीय जातका रसिला फलफुल खान तथा छाता र छहारीको प्रयोग गर्न सल्लाह दिएका छन् । तापक्रममा देखिएको अस्वभाविक वृद्धि अझै पनि कायमै रहेको छ। छालालाई स्वच्छ राख्न जापानी महिलाहरूले अपनाउने उपायहरूलाई सवैले अवलम्बन गर्न आग्रहसहित सचेतनामुलक कार्यक्रमहरूलाई सार्वजनिकस्थल, रेडियो तथा टेलिभिजनबाट प्रचार गरिएको छ।

Leave a Reply

Your email address will not be published. Required fields are marked *

Back to top button
Close
Close

Adblock Detected

Please consider supporting us by disabling your ad blocker